പിണറായി വിജയൻ കള്ളന് കഞ്ഞി വെക്കുന്ന കാവൽക്കാരനാണെന്നും കൊള്ള സംഘത്തിന് നേതൃത്വം കൊടുക്കുന്നതുകൊണ്ടാണ് അദ്ദേഹം മൗനി ബാബ ചമയുന്നതെന്നും കെ.പി.സി.സി. സെക്രട്ടറി അഡ്വ: ഐ. മൂസ പ്രസ്താവിച്ചു. വികസന മുരടിപ്പിനും സ്വജനപക്ഷപാതത്തിനുമെതിരെ അരിക്കുളം മണ്ഡലം കോൺഗ്രസ് കമ്മറ്റി പഞ്ചായത്ത് ഓഫീസിന് മുമ്പിൽ സംഘടിപ്പിച്ച ധർണാ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മണ്ഡലം പ്രസിഡണ്ട് ശശി ഊട്ടേരി ആധ്യക്ഷ്യം വഹിച്ചു. ബ്ളോക്ക് കോൺഗ്രസ് കമ്മറ്റി പ്രസിഡണ്ട് കെ.പി. രാമൻ മാസ്റ്റർ മുഖ്യ പ്രഭാഷണം നടത്തി. ആദർശ് അരിക്കുളം, യു.ഡി.എഫ് ചെയർമാൻ സി.രാമദാസ്, ബ്ളോക്ക് ഭാരവാഹികളായ കെ. അഷറഫ്, രാമചന്ദ്രൻ നീലാംബരി, ഒ.കെ. ചന്ദ്രൻ, ലതേഷ് പുതിയേടത്ത്, ശ്രീധരൻ കണ്ണമ്പത്ത്, മണ്ഡലം ഭാരവാഹികളായ ടി.ടി. ശങ്കരൻ നായർ, ലത പൊറ്റയിൽ, സുമേഷ് സുധർമൻ, ഗ്രാമപഞ്ചായത്ത് അംഗങ്ങളായ ബിന്ദു പറമ്പടി, ശ്യാമള ഇടപ്പള്ളി, ബിനിമഠത്തിൽ എന്നിവർ സംസാരിച്ചു. അനസ് കാരയാട്, ബാബു പറമ്പടി, ബാലൻ കൈലാസ്, പി.ശശീന്ദ്രൻ, പി.കെ.കെ. ബാബു, ടി.എം. പ്രതാപചന്ദ്രൻ, ബീന വരമ്പിച്ചേരി നേതൃത്വം നൽകി.
