കൊയിലാണ്ടി: പൂക്കാട് ഭാഗത്ത് കവർച്ച നടത്തിയ രണ്ട് പ്രതികളെ കൊയിലാണ്ടി പോലിസ് അറസ്റ്റ് ചെയ്തു. മറ്റൊരു പ്രതിയെ തലശ്ശേരി ധർമ്മടം പോലിസിൻ്റെ പിടിയിലായതായും വിവരമുണ്ട്.
പൂക്കാട് താഴത്തെ പുതുക്കോട്ട് (വീർവീട്ടിൽ ) ശ്രീധരന്റെ വീട്ടിൽ നിന്നും വാതിൽ കുത്തിപ്പൊളിച്ച് മോഷണം നടത്തിയതുൾപ്പടെയുള്ള കേസിലുൾപ്പെട്ട പ്രതികളെയാണ് കൊയിലാണ്ടി പോലീസ് പിടികൂടിയത്.തമിഴ്നാട് തഞ്ചാവൂർ ചെങ്കി പെട്ടി മുത്തു (32), തഞ്ചാവൂർ വല്ലം എം.ജി.ആർ നഗർ വിജയൻ (38) എന്നിവരെയാണ് കൊയിലാണ്ടി സിഐ മെൽവിൻ ജോസ് ,എസ്. ഐ. രാജീവൻ. എസ്. സി. പി ഓഫിസർ ബിജു വാണിയംകുളം, നിഖിൽ, പന്നിയങ്കര സ്റ്റേഷനിലെ അനൂജ് എന്നിവരുൾപ്പെട്ട സംഘം പിടികൂടിയത്.
മലപ്പുറം തേഞ്ഞിപ്പാലത്ത് വാടക ക്വാർട്ടേഴ്സിൽ താമസിക്കുകയായിരുന്നു ഇവർ. സൈബർ സെല്ലിന്റെ സഹായത്തോടെ ഇവരുടെ ഒളി സങ്കേതം പോലീസ് മനസ്സിലാക്കിയാണ് കസ്റ്റഡിയിൽ എടുത്തത്.
