കൊയിലാണ്ടി: ചെങ്ങോട്ട് കാവ് – നന്തി ബൈപ്പാസ് കാരണം പ്രതിസസന്ധി നിലനിൽക്കുന്ന പന്തലായിനി പ്രദേശം അസി. കലക്ടർ ആയുഷ് ഗോയൽ ഐ.എ.എസ് നേതൃത്വത്തിലുള്ള സംഘം സന്ദർശിച്ചു.
പന്തലായിനി കാട്ടുവയൽ റോഡിൽ ബൈപ്പാസിന് കുറുകേ മൂന്ന് മീറ്റർ ഉയരത്തിലും നാല് മീറ്റർ വീതിയിലും ബോക്സ് കൾവെർട്ട് സ്ഥാപിക്കുക, വിയ്യൂർ പന്തലായനി നിവാസികൾ നിലവിൽ ഉപായാഗിച്ച് കൊണ്ടിരിക്കുന്ന വിയൂർ – പന്തലായനി -കൊയിലാണ്ടി റോഡ് ( കൊയിലാണ്ടി പട്ടണത്തിലെ ഗതാഗത തടസ്സം ഉണ്ടാകുമ്പോൾ ബദലായി ഉപയോഗിക്കുന്ന പ്രധാന റോഡ് ). പെരുവട്ടൂർ – പന്തലായനി – കൊയിലാണ്ടി റോഡ് , കാട്ടുവയൽ – ഗേൾസ് സ്കൂൾ റോഡ് , കാട്ടുവയൽ – കൊയിലാണ്ടി റോഡ് , കോയാരികുന്ന് – കൊയിലാണ്ടി റോഡ്, എന്നീ പാതകൾക്ക് സർവ്വീസ് റോഡിൽ പ്രവേശനം സുഗമമാക്കുക എന്നീ ആവശ്യങ്ങൾ പന്തലായിനി ഗതാഗത സംരക്ഷണ സമിതി വിദഗ്ധ സമിതി മുമ്പാകെ ഉന്നയിച്ചു.
ബോക്സ് കൾവെൾട്ട് അനുവദിക്കുന്ന കാര്യം പരിഗണിക്കാവുന്നതാണെന്നും സർവീസ് റോഡിലേയ്ക്ക് നിലവിലുള്ള റോഡുകൾക്ക് പ്രവേശനം കിട്ടുന്നതു സംബന്ധിച്ച ആശങ്കകൾ പരിഹരിക്കുമെന്നും ഉറപ്പു നൽകി. 
അസി. കലക്ടർക്ക് പുറമേ, നഗരസഭാ ചെയർപേഴ്സൺ സുധ കിഴക്കേപ്പാട്ട്, നാഷണൽ ഹൈവേ അതോറിറ്റി, അദാനി, വഗാർഡ് പ്രതിനിധികളും ഗതാഗത സംരക്ഷണ സമിതിയെ പ്രതിനിധീകരിച്ച് ചെയർമാൻ പി. പ്രജിഷ, ജനറൽ കൺവീനർ പി, ചമശേഖരൻ, യു.കെ. ചന്ദ്രൻ, മനോജ് കുമാർ കെ. ,പി. വി. രാജീവൻ, ഒ. എം. സതീശൻ, പി. സിന്ധു,,മണിശങ്കർ എന്നിവരും പങ്കെടുത്തു.
ഗതാഗത പ്രതിസന്ധി സംബദ്ധിച്ച് കർമ്മസമിതി , കനത്തിൽ ജമീല എം.എൽ എ, നഗരസഭാ ചെയർപേഴ്സൺ സുധ കിഴക്കേപ്പാട്ട്, ജില്ലാ കലക്ടർ എന്നിവർക്ക് നിവേദനം നൽകിയിരുന്നു.
