അരിക്കുളം : പാർലമെന്റ് തെരഞ്ഞെടുപ്പിനോടനുബന്ധിച്ച സി പി എം ന്റെ നേതൃത്വത്തിൽ വടകര പാർലമെന്റ് മണ്ഡലത്തിൽ ആർ എസ് എസിനെ പോലും നാണിപ്പിക്കുന്ന തരത്തിൽ നടത്തി വരുന്ന വർഗീയ പ്രചരണം അവസാനിപ്പിക്കണമെന്ന് കോഴിക്കോട് ജില്ലാ മുസ്‌ലിം ലീഗ് സെക്രട്ടറി കെ.കെ നവാസ് ആവശ്യപ്പെട്ടു.
അരിക്കുളം പഞ്ചായത്ത്‌ മുസ്‌ലിം ലീഗ് കമ്മിറ്റി ഈ വർഷം ഹജ്ജിന് അവസരം ലഭിച്ചവരുടെ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പഞ്ചായത്ത്‌ മുസ്‌ലിം ലീഗ് പ്രസിഡന്റ് ഇ.കെ അഹമ്മദ് മൗലവി ആദ്ധ്യക്ഷം വഹിച്ചു.
വടകരയിലും സമീപപ്രദേശങ്ങളിലും ഏകോദര സഹോദരങ്ങളായി കഴിയുന്നവർക്കിടയിൽ സി പി എം വർഗീയ പ്രചാരണങ്ങൾ നടത്തി സമാധാന ജീവിതം തകർക്കാൻ ശ്രമിക്കുന്നത് പരാജയ ഭീതി മൂലമാണെന്നും യോഗം വിലയിരുത്തി.
യു ഡി. എഫ് സ്ഥാനാർഥി ഷാഫി പറമ്പിലിനെതിരെ എൽ ഡി എഫ് പ്രചരിപ്പിച്ച നുണപ്രചാരണങ്ങൾ ജനങ്ങൾ പുച്ഛിച്ചു തള്ളിയപ്പോഴാണ് സി പി എം വർഗീയ പ്രചാരണവുമായി രംഗത്ത് വന്നത്.
തൻസീർ ദാരിമി കാവുംതറ മുഖ്യ പ്രഭാഷണം നടത്തി. വി വി എം ബഷീർ, എൻ കെ അഷ്‌റഫ്, കെ എം മുഹമ്മദ്‌, എം പി അമ്മത്, കെ എം മുഹമ്മദ്‌ സക്കറിയ, പി പി അബ്ദുസലാം ഫൈസി, പി പി കെ. അബ്ദുള്ള തറമ്മൽ, അബ്ദുസ്സലാം വി കെ കെ അബ്ദുള്ള, ടി.പി. കുഞ്ഞിമായൻ മാസ്റ്റർ, നാറാണത്ത് അഹമദ്ഹാജി തുടങ്ങിയവർ സംസാരിച്ചു.
