കൊയിലാണ്ടി : കൊല്ലം പിഷാരികാവ് കളിയാട്ട മഹോത്സവത്തിന് സുരക്ഷ സംവിധാനം ഒരുക്കുന്നതിന്റെ ഭാഗമായി ബോംബ് സ്ക്വാഡ് വിവിധയിടങ്ങളിൽ പരിശോധന നടത്തി. ക്ഷേത്ര പരിസരത്ത് പ്രത്യേകം പരിശീലനം ലഭിച്ച പോലീസ് നായയെ ഉപയോഗിച്ചായിരുന്നു പരിശോധന. ബോംബ് സ്ക്വാഡ് സബ് ഇൻസ്പെക്ടർ കെ.സി. ബാബുവിന്റെ നേതൃത്വത്തിൽ നടന്ന പരിശോധനയിൽ സിവിൽ പോലീസ് ഓഫീസർമാരായ ദീപക് , ഷിബിൻ, രജീഷ്, ഡോഗ് സ്ക്വാഡിലെ അഭിരാഗ് അഖിൽ എന്നിവർ പങ്കെടുത്തു. തുടർന്നുള്ള ദിവസങ്ങളിലും പരിശോധന നടത്തുമെന്ന് പോലീസ് അധികൃതർ അറിയിച്ചു.
