മിനിമം വേതനം ഉള്പ്പെടെയുള്ള ആവശ്യങ്ങള് ഉന്നയിച്ച് സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് ഇന്ന് മുതല് പണിമുടക്കിലേക്ക്. അത്യാഹിത വിഭാഗങ്ങളില് മാത്രമാകും സേവനം നല്കുക. അത്യാഹിത വിഭാഗങ്ങളില് മൂന്നിലൊന്ന് നഴ്സുമാര് മാത്രമേ ജോലിയില് പ്രവേശിക്കൂ. വാര്ഡ് ഡ്യൂട്ടികളില് നിന്ന് നഴ്സുമാര് വിട്ടു നില്ക്കും. യുണൈറ്റഡ് നഴ്സസ് അസോസിയേഷന്റെ നേതൃത്വത്തില് ഇന്ന് സമരക്കാര് സെക്രട്ടേറിയറ്റിലേക്ക് മാര്ച്ചും സംഘടിപ്പിച്ചിട്ടുണ്ട്.
മിനിമം വേതനം പുതുക്കി നിശ്ചയിക്കണമെന്ന ആവശ്യത്തില് സര്ക്കാരിന്റെ ഭാഗത്ത് നിന്നും അനുകൂല തീരുമാനം ഉണ്ടാകാത്ത സാഹചര്യത്തിലാണ് യുണൈറ്റഡ് നഴ്സസ് അസോസിയേഷന് സംസ്ഥാന വ്യാപകമായി സമരത്തിലേക്ക് നീങ്ങുന്നത്. അടിസ്ഥാന ശമ്പളം 40,000 രൂപ ആക്കണമെന്നാണ് സമരക്കാരുടെ ആവശ്യം.
