കൊയിലാണ്ടി: മത്സ്യ മേഖല കുടുംബങ്ങളിലെ വിദ്യാർത്ഥികൾക്ക് നഗരസഭ നൽകുന്ന ലാപ്ടോപ്പുകളുടെ വിതരണം നടന്നു. ഇതോടൊപ്പം 2026 -27 വർഷത്തെ പദ്ധതി രൂപീകരണത്തിന് ഭാഗമായുളള മത്സ്യസഭ, ഫിഷറീസ് വകുപ്പിൻ്റെ മത്സ്യത്തൊഴിലാളികൾക്കുള്ള ബോധവൽക്കരണ പരിപാടി ‘തീരോന്നതി അറിവ് 2005-26’ നഗരസഭ അധ്യക്ഷൻ യു.കെ. ചന്ദ്രൻ ഉദ്ഘാടനം ചെയ്തു. നടപ്പു സാമ്പത്തിക വർഷത്തിൽ 12ലക്ഷം രൂപ ചെലവിൽ 30 വിദ്യാർത്ഥികൾക്കാണ് ലാപ്ടോപ്പുകൾ വിതരണം ചെയ്തത്. മത്സ്യ മേഖലയിലേക്ക് നഗരസഭ 31 ലക്ഷം രൂപയാണ് വകയിരുത്തിയത്.
കൊയിലാണ്ടി വേദവ്യാസ സ്കൂളിൽ നടന്ന പരിപാടിയിൽ വികസന സ്റ്റാൻഡിങ് കമ്മിറ്റി ചെയർമാൻ എ. സുധാകരൻ അധ്യക്ഷതവഹിച്ചു. സ്ഥിരംസമിതി അധ്യക്ഷരായ കെ.എം.നജീബ്, എം.ദൃശ്യ, കൗൺസിലർമാരായ കെ.വി.സുരേഷ് കുമാർ, സി.പി.നുസൈബ അസൈനാർ, ജസ് ലു, എ.വി. ഷമീം, ആയിഷ ജാസ്മിൻ, ഷാദിയ, തസ്നിയ, നിമിഷ ബെൽജൻ, പ്രിയങ്ക അനീഷ് കുമാർ, ഫിഷറീസ് എക്സ്റ്റൻഷൻ ഓഫീസർ ഒ.ആതിര എന്നിവർ സംസാരിച്ചു. തുടർന്ന് ബോധവൽക്കരണ പരിപാടിയിൽ അസി. ഫിഷറീസ് എക്സ്റ്റൻഷൻ ഓഫീസർ എസ്.സരിത, ഫയർ ഓഫീസർ സുകേഷ്, അനൂപ്, ഒ.ആതിര, പി.കെ.സന്ധ്യ എന്നിവർ ക്ലാസുകൾ നയിച്ചു.
