പേരാമ്പ്ര : ജാർഖണ്ഡിൽ വെച്ച് വീരമൃത്യു വരിച്ച ജവാൻ സുധിൽ പ്രസാദിന്റെ രണ്ടാം വാർഷിക അനുസ്മരണ ചടങ്ങ് അദ്ദേഹത്തിന്റെ വസതിയിൽ വെച്ച് കാലിക്കറ്റ് ഡിഫൻസ് ട്രസ്റ്റ് ആൻഡ് കെയറിന്റെ നേതൃത്വത്തിൽ നടന്നു. സ്മൃതി മണ്ഡപത്തിൽ സൈനികരും നാട്ടുകാരും പുഷ്പാർച്ചന നടത്തി.
അനുസ്മരണ ദിനത്തോടനുബന്ധിച്ച് എം.വി.ആർ ക്യാൻസർ സെന്ററിന്റെ സഹകരണത്തോടെ കാരയാട് എ.എല്‍.പി സ്കൂളിൽ വച്ച് നടന്ന രക്തദാന ക്യാമ്പിൽ കാലിക്കറ്റ് ഡിഫൻസ് മെമ്പർമാരും നാട്ടുകാരുമുൾപ്പെടെ ഉൾപ്പെടെ 67 ഓളം പേർ രക്തദാനം ചെയ്തു.
പരിപാടിക്ക് കാലിക്കറ്റ് ഡിഫെൻസ് പ്രസിഡണ്ട് പ്രമോദ് ചീക്കിലോട്, സെക്രട്ടറി വിജിത്ത് പറമ്പിൽ ബസാർ, ഡോ. വാഫിയ എന്നിവർ നേതൃത്വം നൽകി.
