കൊയിലാണ്ടി നഗരസഭയുടെ ആഭിമുഖ്യത്തിൽ കൃഷിഭവൻ സംഘടിപ്പിച്ച കർഷക ദിനാചരണം നഗരസഭ അധ്യക്ഷ സുധ കിഴക്കെപ്പാട്ട് ഉദ്ഘാടനം ചെയ്തു. ടൗൺ ഹാളിൽ വിപുലമായി നടത്തിയ പരിപാടിയിൽ ഉപാധ്യക്ഷൻ കെ.സത്യൻ അധ്യക്ഷത വഹിച്ചു.
മികച്ച കർഷകരെ ആദരിക്കുകയും, കുട്ടികൾക്കായി നടത്തിയ കാർഷിക പ്രശ്നോത്തരി വിജയികൾക്കുള്ള സമ്മാനദാനവും, മുതിർന്നവർക്കായുള്ള പ്രശ്നോത്തരിയും പ്രാദേശിക കലാകാരന്മാരുടെ കലാവിരുന്നും ഇതോടൊാപ്പം നടന്നു.
സ്ഥിരം സമിതി അധ്യക്ഷരായ കെ.എ. ഇന്ദിര, ഇ.കെ. അജിത്ത്, സി.പ്രജില, നിജില പറവക്കൊടി, കൗൺസിലർമാരായ, എൻ.ടി. രാജീവൻ, എ.ലളിത, പി.രത്നവല്ലി, വി.പി. ഇബ്രാഹിം കുട്ടി, പി. പ്രജില, കൃഷി ഓഫീസർ പി. ഷംസിദ, കൃഷി അസി.ബി.കെ. രജീഷ് കുമാർ, വിവിധ രാഷട്രീയ കക്ഷി നേതാക്കളായ പി.കെ.ഭരതൻ, ടി.കെ. രാധാകൃഷ്ണൻ, ഷാജു പിലാക്കാട്ട്, പി.കെ. വിശ്വനാഥൻ, ബാലൻ പത്താലത്ത് എന്നിവർ സംസാരിച്ചു.
