കിണറ്റിൽ കുടുങ്ങിയ യുവാവിനെ കൊയിലാണ്ടി ഫയർ ഫോഴ്സ് രക്ഷപ്പെടുത്തി. ഇന്ന് ഉച്ചക്ക് 12 മണിയോടെ കൂടിയാണ് അത്തോളി പഞ്ചായത്തിലെ കൊളക്കാട്, കോണത്തം കണ്ടി അരിയായി എന്നയാളുടെ ഏകദേശം 70 അടി താഴ്ചയുള്ള കിണറ്റിൽ അറ്റകുറ്റപ്പണിക്ക് ഇറങ്ങിയ 48 വയസുള്ള എടക്കാട്ടുകര മണി എന്നയാൾ കിണറ്റിൽ നിന്നും കയറാൻ പറ്റാത്ത അവസ്ഥയിലായത്.
വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും സ്റ്റേഷൻ ഓഫീസർ ശരത് പി കെ യുടെ നേതൃത്വത്തിൽ സേന സ്ഥലത്തെത്തുകയും റസ്ക്യൂ നെറ്റിന്റെ സഹായത്തോടുകൂടി ഇദ്ദേഹത്തെ സുരക്ഷിതമായി കരയ്ക്ക് എത്തിക്കുകയും ചെയ്തു. ഗ്രേഡ് ASTO മെക്കാനിക്ക് ജനാർദ്ദനൻ, ഫയർ ആൻഡ് റെസ്ക്യൂ ഓഫീസർമാരായ നിധിപ്രസാദ് ഇഎം, സിജിത്ത് സി, അനൂപ് എൻപി, സനൽരാജ് കെ എം, റിനീഷ് പി കെ, സജിത്ത് പി കെ, ഹോംഗാർഡ് മാരായ പ്രദീപ് സി,സുജിത്ത് കെ എന്നിവർ രക്ഷാപ്രവർത്തനത്തിൽ ഏർപ്പെട്ടു.
