അത്തോളി: അത്തോളി ഗ്രാമപഞ്ചായത്ത് ഗിരീഷ് പുത്തഞ്ചേരി സ്മാരക വായനശാല സംഘടിപ്പിച്ച വായന വാരാഘോഷം ‘നെയ്പായസം’ ഗ്രാമ പഞ്ചായത്ത് പ്രസിഡണ്ട് ബിന്ദു രാജൻ ഉദ്ഘാടനം ചെയ്തു. ആരോഗ്യ സ്റ്റാൻ്റിംഗ് കമ്മറ്റി ചെയർപേർസൻ എ.എം.സരിത അദ്ധ്യക്ഷം വഹിച്ചു. എഴുത്തുകാരിയും, മാതൃഭൂമി സബ്ബ് എഡിറ്ററുമായ ഷബിത സാജ് മുഖ്യാതിഥിയായിരുന്നു. നമ്മൾ എന്നും മുൻതലമുറയും ഇപ്പോഴുള്ളവരും വായന മരിച്ചു എന്ന് പറഞ്ഞു കൊണ്ടെയിരിക്കുന്നു. അത് പറഞ്ഞവരെല്ലാം മരിച്ചു എന്നല്ലാതെ വായന ഇന്നും ജീവിച്ചിരിക്കുന്നുവെന്നും വായന മരിച്ചിട്ടില്ലെന്നും ഷബിത സാജ് പറഞ്ഞു.
സ്റ്റാൻ്റിംഗ് കമ്മറ്റി അധ്യക്ഷരായ ഷീബ രാമചന്ദ്രൻ, സുനീഷ് നടുവിലയിൽ, മെമ്പർമാരായ ശാന്തി മാവീട്ടിൽ, വാസവൻ പൊയിലിൽ, സന്ദീപ് നാലുപുരക്കൽ, സുനിൽ കൊളക്കാട്, രമേശൻ വലിയാറമ്പത്ത് എന്നിവർ സംസാരിച്ചു. വനിതാവേദി അംഗങ്ങളായ സ്മിത, ഷാക്കിറ നോഡൽ പ്രേരക് സൗമിനി എന്നിവർ സന്നിഹിതരായിരുന്നു. വാർഡ് മെമ്പർ ബൈജു കൂമുള്ളി സ്വാഗതവും ലൈബ്രേറിയൻ സി.കെ.സബിത നന്ദിയും പറഞ്ഞു. പരിപാടിയോടനുബന്ധിച്ച് എൽ .പി, യു പി, ഹൈസ്കൂൾ വിദ്യാർത്ഥികൾക്കായി കഥാസ്വാദനവും, പ്രശ്നോത്തരിയും സംഘടിപ്പിച്ചു. ഗിരീഷ് പുത്തഞ്ചേരി അനുസ്മരണത്തോടനുബന്ധിച്ച് നടത്തിയ കവിത രചന, വാട്ടർ കളർ മത്സരങ്ങളിലെ വിജയികൾക്ക് സമ്മാനദാനവും നല്കി. പ്രശ്നോത്തരി കെ.ടി സുരേന്ദ്രൻ മാസ്റ്റർ, അഖിൽ അത്തോളി നിയന്ത്രിച്ചു.
