ലോക്സഭ തെരഞ്ഞെടുപ്പിൽ കോൺഗ്രസ് നേതാവ് രാഹുൽ ഗാന്ധി, സോണിയാ ഗാന്ധിയുടെ സിറ്റിങ് മണ്ഡലമായ ഉത്തർ പ്രദേശിലെ റായ്ബറേലിയിൽ നിന്ന് തന്നെ മത്സരിക്കുമെന്ന് പ്രഖ്യാപനം. അമേഠിയിൽ കിഷോരി ലാല്‍ ശര്‍മ്മ മത്സരിക്കുമെന്നും കോണ്‍ഗ്രസ് അറിയിച്ചു. ഗാന്ധി കുടുംബത്തിൻ്റെ വിശ്വസ്തനാണ് കിഷോരി ലാൽ ശർമ. ഇത്തവണ മത്സരത്തിന് ഇല്ലെന്ന് കോണ്‍ഗ്രസ് നേതാവ് പ്രിയങ്കാ ഗാന്ധി അറിയിച്ചതിനു പിന്നാലെയാണ് പ്രഖ്യാപനം.
അമേഠിയിലെയും റായ്ബറേലിയിലും നാമനിർദേശ പത്രിക സമർപ്പിക്കേണ്ട അവസാന തീയതി ഇന്നാണ്. ലോക്സഭ തെരഞ്ഞെടുപ്പിന്‍റെ അഞ്ചാംഘട്ടമായ മേയ് 20നാണ് രണ്ടിടങ്ങളിലും വോട്ടെടുപ്പ്. ഇന്ന് വിലുപലമായ റോഡ് ഷോയോടൊപ്പമാവും രാഹുൽ പത്രിക സമർപ്പിക്കാനെത്തുക. രാജ്യസഭ അംഗമായതിനെ തുടർന്നാണ് റായ്ബറേലിയിൽ മത്സരിക്കുന്നതിൽനിന്നും സോണിയ ഗാന്ധി പിന്മാറിയതോടെയാണ് രാഹുൽ ഗാന്ധിയിലേക്ക് എത്തിയത്.
ഗാന്ധി കുടുംബത്തിലെ ഒരാളെ സ്ഥാനാര്‍ഥിയാക്കണമെന്ന് ആവശ്യപ്പെട്ട് കോണ്‍ഗ്രസ് പ്രവര്‍ത്തകര്‍ രണ്ട് ദിവസം മുമ്പ് അമേഠിയില്‍ പ്രതിഷേധ പ്രകടനം നടത്തിയിരുന്നു. ഇതിനു പിന്നാലെയാണ് വയനാട്ടിലെ സിറ്റിംഗ് മണ്ഡലത്തിന് പുറമെ രാഹുൽ റായ്ബറേലിയിൽ സ്ഥാനാർഥിയാകാനൊരുങ്ങുന്നത്. കേന്ദ്രമന്ത്രി സ്മൃതി ഇറാനിയും, ദിനേശ് പ്രതാപ് സിങ്ങുമാണ് റായ്ബറേലി, അമേഠി എന്നീ സീറ്റുകളിൽ മത്സരിക്കുന്ന ബിജെപി സ്ഥാനാർഥികൾ.
