ലോക പരിസ്ഥിതി ദിനാചരണത്തിന്റെ ഭാഗമായി കൊയിലാണ്ടി മർകസ് പബ്ലിക് സ്കൂൾ വിദ്യാർത്ഥികൾ നഗരസഭയിലെ 26, 27, 28 വാർഡുകളിലെ ഹരിത കർമ്മ സേനാംഗങ്ങളെ ആദരിച്ചു. പരിസ്ഥിതിയുടെ സംരക്ഷണത്തിൽ അവരുടെ സംഭാവനകളെ അംഗീകരിച്ചു കൊണ്ടാണ് വിദ്യാർത്ഥികൾ അവരെ ആദരിച്ചത്. പരിസ്ഥിതി സംരക്ഷണത്തിന്റെയും ശുചീകരണത്തിന്റെയും പ്രാധാന്യം തിരിച്ചറിയുന്നതിനും ഹരിത കർമ്മ സേനാംഗങ്ങളുടെ സേവന മനോഭാവവും പ്രകൃതിയോടുള്ള സ്നേഹവും വിദ്യാർത്ഥികൾക്ക് മനസ്സിലാക്കി കൊടുക്കുന്നതിനും ഈ പ്രോഗ്രാം സഹായകമായി.
ഹരിത സേനാംഗം ശോഭന പ്ലാസ്റ്റിക് മലിനീകരണത്തിന്റെ പ്രശ്നങ്ങളെക്കുറിച്ചും പ്ലാസ്റ്റിക് വേസ്റ്റുകൾ സംസ്കരിക്കുന്നതിൽ ശ്രദ്ധിക്കേണ്ട കാര്യങ്ങളെക്കുറിച്ചും വിദ്യാർത്ഥികളോട് സംസാരിച്ചു. വിദ്യാർത്ഥി പ്രതിനിധികൾ ഉപഹാരങ്ങൾ സമ്മാനിച്ചു. പരിസ്ഥിതി ദിനത്തിൻ്റെ ഭാഗമായി പരിസര വീടുകളിൽ വിദ്യാർത്ഥികൾ ലഘുലേഖകൾ വിതരണം ചെയ്തും നിർദ്ദേശങ്ങൾ നൽകിയും പ്ലാസ്റ്റിക് യുക്തിപൂർവ്വം കൈകാര്യം ചെയ്യുന്നതിന് വേണ്ടിയുള്ള ബോധവത്ക്കരണം നടത്തി. പോസ്റ്റർ പ്രദർശനം പരിസ്ഥിതി സംരക്ഷണ റാലി, പ്ലക്കാർഡ് നിർമ്മാണം, സ്റ്റുഡൻസ് അസംബ്ലി, വ്യക്ഷത്തൈകൾ നടൽ, പരിസര ശുചീകരണം, തുടങ്ങി ഒട്ടേറെ പരിപാടികൾ ദിനാചരണത്തിന്റെ ഭാഗമായി സ്കൂളിൽ സംഘടിപ്പിച്ചു.
പ്രിൻസിപ്പൽ അബ്ദുൽ മജീദ് ഇർഫാനി അഡ്മിനിസ്ട്രേറ്റർ അബ്ദുൽ നാസർ സി കെ മോറൽ സ്റ്റഡി ഹെഡ് കരീം നിസാമി അക്കാഡമിക് കോഡിനേറ്റർ മിസ് ഡെൻസി മിസ് ലാൽസി തുടങ്ങിയവർ വിവിധ പ്രവർത്തനങ്ങൾക്ക് നേതൃത്വം നൽകി.
