തുറയൂർ: ടാസ്ക് തുറയൂർ സംഘടിപ്പിക്കുന്ന അഖിലേന്ത്യ വോളി ബോൾ ടൂർണമെന്റിലെ ഡിപ്പാർട്മെന്റ് തല ഫൈനൽ മത്സരത്തിൽ ഇന്ത്യൻ എയർഫോയിസും ഇന്ത്യൻ ആർമിയും തമ്മിൽ ഏറ്റുമുട്ടും. ജില്ലാ തല മത്സരത്തിലെ ഫൈനൽ മത്സരത്തിൽ ആതിഥേയരായ ടാസ്ക് തുറയൂർ സയൻസ് സെന്റർ വടകരയെ നേരിടും. ജില്ലാ തല മത്സരം രാത്രി 7:30 നും അഖിലേന്ത്യ മത്സരം 9:00 മണിക്കും ആരംഭിക്കും.
ഇന്നലെ നടക്കേണ്ടിയിരുന്ന രണ്ടാം സെമി ഫൈനൽ മത്സരത്തിലെ രണ്ടാം മത്സരത്തിലെ ടീമുകൾ ആയ ഇന്ത്യൻ ആർമിയും മുംബൈ സ്പൈക്കേയ്സും തമ്മിലുള്ള മത്സരം മഴ മൂലം മുടങ്ങുകയും മുംബൈ സ്പൈക്കേയ്സിന് ഇന്ന് കളിക്കാൻ ബുദ്ധിമുട്ട് അറിയിക്കുകയും ചെയ്ത സാഹചര്യത്തിൽ ഇന്ത്യൻ ആർമിയെ ഫൈനലിലേക്ക് തിരഞ്ഞെടുക്കുകയായിരുന്നു. ഇന്നലെ ടിക്കറ്റ് എടുത്ത് കളി കാണാൻ കഴിയാതിരുന്ന കാണികൾക്ക് ഇന്ന് കൗണ്ടർ ഫോയിൽ ഉണ്ടെങ്കിൽ കളി കാണാനുള്ള അവസരം സംഘാടക സമിതി ഒരുക്കിയിട്ടുണ്ട്.
