കേരളത്തിന്റെ സിൽവർ ലൈൻ പദ്ധതിയുടെ ഡിപിആർ കേന്ദ്രം റെയിൽവേ മന്ത്രാലയം തള്ളി

കേരള റെയിൽ ഡെവലപ്മെന്റ് കോർപ്പറേഷൻ സമർപ്പിച്ച സിൽവർ ലൈൻ പദ്ധതിയുടെ വിശദമായ പദ്ധതി റിപ്പോർട്ട് (ഡിപിആർ) കേന്ദ്ര റെയിൽവേ മന്ത്രാലയം തള്ളിക്കളഞ്ഞു. സാങ്കേതിക പരിശോധനയിൽ കണ്ടെത്തിയ പോരായ്മകളുടെ അടിസ്ഥാനത്തിലാണ് ഈ നടപടി. റെയിൽവേ മാനദണ്ഡങ്ങൾക്കനുസൃതമായി ഡിപിആർ പരിഷ്കരിച്ച് വീണ്ടും സമർപ്പിക്കാൻ മന്ത്രാലയം ആവശ്യപ്പെട്ടിട്ടുണ്ട്.

സിൽവർ ലൈൻ പദ്ധതിയുടെ ട്രാക്ക് ബ്രോഡ്ഗേജ് സംവിധാനത്തിൽ ആയിരിക്കണമെന്നും നിലവിലുള്ള റെയിൽവേ ട്രാക്കുമായി സംയോജിപ്പിച്ചുവേണം പുതിയ പാതകൾ നിർമ്മിക്കാനെന്നും കേന്ദ്രം നിർദ്ദേശിച്ചു. സംസ്ഥാനത്തിന് സ്വന്തമായി പാത നിശ്ചയിക്കാൻ കഴിയില്ലെന്നും, പുതിയ പാതകൾ പരമാവധി നിലവിലുള്ള റെയിൽവേ ട്രാക്കിന് സമാന്തരമായിരിക്കണമെന്നും മന്ത്രാലയം വ്യക്തമാക്കി. കൂടാതെ, കോച്ചുകൾ തമ്മിലുള്ള കൂട്ടിമുട്ടൽ ഒഴിവാക്കാൻ കവച് സേഫ്റ്റി സെക്യൂരിറ്റി സംവിധാനത്തിനുള്ള നിർദ്ദേശങ്ങളും ഉൾപ്പെടുത്തണമെന്ന് ആവശ്യപ്പെട്ടു.

പദ്ധതിക്ക് സമഗ്രമായ പാരിസ്ഥിതിക അനുമതി ആവശ്യമാണെന്നും, നിർമാണ ഘട്ടത്തിലും പൂർത്തീകരണത്തിനു ശേഷവും സമ്പൂർണ്ണമായ ജലനിർഗമന സംവിധാനം ഉറപ്പാക്കണമെന്നും കേന്ദ്രം നിഷ്കർഷിച്ചു. നിലവിൽ സമർപ്പിച്ച പദ്ധതി റിപ്പോർട്ട് അപര്യാപ്തമാണെന്ന് റെയിൽവേ മന്ത്രാലയം വിലയിരുത്തി. കെ-റെയിൽ പദ്ധതി നടപ്പാക്കുന്നതിൽ സാങ്കേതികവും പാരിസ്ഥിതികവുമായ പ്രശ്നങ്ങൾ നേരത്തെ തന്നെ റെയിൽവേ മന്ത്രി അശ്വിനി വൈഷ്ണവ് ചൂണ്ടിക്കാട്ടിയിരുന്നു. എന്നാലും തടസ്സങ്ങൾ പരിഹരിച്ച് പുതിയ നിർദ്ദേശങ്ങൾ മുന്നോട്ടുവയ്ക്കുകയാണെങ്കിൽ പദ്ധതി നടപ്പാക്കാൻ റെയിൽവേ തയ്യാറാണെന്നും അദ്ദേഹം വ്യക്തമാക്കിയിരുന്നു.

 

Leave a Reply

Your email address will not be published.

Previous Story

അരിക്കുളം മാവട്ട് ആയമഠത്തിൽ ഇല്ലത്ത് മുരളീധരൻ നമ്പൂതിരി അന്തരിച്ചു

Next Story

സിബിഎസ്‍ഇ പാഠ്യപദ്ധതിയിൽ പുതിയ മാറ്റങ്ങൾക്ക് ശുപാർശ

Latest from Main News

ഗുരുവായൂർ ക്ഷേത്രക്കുളത്തിൽ റീൽസ് ചിത്രീകരിച്ചതിന് ജാസ്മിന്‍ ജാഫറിനെതിരെ പൊലീസിൽ പരാതി നൽകി ഗുരുവായൂര്‍ ദേവസ്വം

ഗുരുവായൂർ ക്ഷേത്ര തീർത്ഥക്കുളത്തിൽ റീൽസ് ചിത്രീകരിച്ച സോഷ്യൽ മീഡിയ ഇൻഫ്‌ളുവൻസർ ജാസ്മിൻ ജാഫറിനെതിരെ പൊലീസില്‍ പരാതി. ഗുരുവായൂർ ദേവസ്വം അഡ്മിനിസ്‌ട്രേറ്ററാണ് പരാതി

റേഷൻ കാർഡ് ഉടമകളുടെ ശ്രദ്ധക്ക്; റേഷൻ കാർഡ് ആധാറുമായി ലിങ്ക് ചെയ്യാൻ അവസാന തീയതി അടുത്തിരിക്കുന്നു; ഓൺലൈൻ, ഓഫ്‌ലൈൻ രീതികൾ ഇതാ

റേഷൻ കാർഡ് ഉടമകൾ ശ്രദ്ധിക്കുക — ആധാറുമായി ഇതുവരെ ലിങ്ക് ചെയ്തിട്ടില്ലെങ്കിൽ ഉടൻ ചെയ്യണം. എല്ലാ റേഷൻ കാർഡ് ഉടമകളും അവരുടെ

കോഴിക്കോട് മെഡിക്കല്‍ കോളേജ് സര്‍ജിക്കല്‍ സൂപ്പര്‍ സ്‌പെഷ്യാലിറ്റി ബ്ലോക്ക് ഞായറാഴ്ച മുതല്‍ തുറന്ന് പ്രവര്‍ത്തിക്കും

കോഴിക്കോട് സര്‍ക്കാര്‍ മെഡിക്കല്‍ കോളേജിലെ സര്‍ജിക്കല്‍ സൂപ്പര്‍ സ്‌പെഷ്യാലിറ്റി ബ്ലോക്കിലെ ഗ്രൗണ്ട് ഫ്‌ളോര്‍, ഒന്നാം നില എന്നിവ ഞായറാഴ്ച വൈകുന്നേരം 4

കേരളത്തിലെ വിദ്യാഭ്യാസ രംഗത്ത് വരുത്തേണ്ട മാറ്റങ്ങളെക്കുറിച്ച് വിദ്യാഭ്യാസ മന്ത്രി വി ശിവന്‍കുട്ടിക്ക് നിര്‍ദേശങ്ങള്‍ നല്‍കി കാന്തപുരം എ പി അബൂബക്കര്‍ മുസലിയാര്‍

കേരളത്തിലെ വിദ്യാഭ്യാസ രംഗത്ത് വരുത്തേണ്ട മാറ്റങ്ങളെക്കുറിച്ച് വിദ്യാഭ്യാസ മന്ത്രി വി ശിവന്‍കുട്ടിക്ക് നിര്‍ദേശങ്ങള്‍ നല്‍കി എ പി വിഭാഗം സമസ്ത നേതാവ്

മദ്യക്കുപ്പിക്ക് പകരം പണം നല്‍കുന്ന പദ്ധതി അടുത്ത മാസം 10ലേക്ക് മാറ്റി

മദ്യക്കുപ്പിക്ക് പകരം പണം നല്‍കുന്ന പദ്ധതി അടുത്ത 10ലേക്ക് മാറ്റി. പ്ലാസ്റ്റിക് മദ്യക്കുപ്പി തിരികെ നൽകിയാൽ ഡിപ്പോസിറ്റ് തുക 20 രൂപ