പി.ആർ.നമ്പ്യാർ സ്മാരക പുരസ്കാരം എം.സി നാരായണൻ നമ്പ്യാർക്ക്

.
പ്രമുഖ സ്വാതന്ത്ര്യ സമര സേനാനിയും സമുന്നതനായകമ്യൂണിസ്റ്റ് നേതാവും അദ്ധ്യാപക പ്രസ്ഥാനത്തിൻറെ സ്ഥാപക നേതാവും എഴുത്തുകാരനും പത്രപ്രവർത്തകനും വാഗ്മിയുമായിരുന്ന പി.ആർ. നമ്പ്യാരുടെ ഓർമ്മക്കായി ഏർപ്പെടുത്തിയ പുരസ്‌കാരത്തിന് ഈ വർഷം എം.സി. നാരായണൻ നമ്പ്യാർ തിരഞ്ഞെടുക്കപ്പെട്ടിരിക്കുന്നു. സാമൂഹ്യ ജീവിതത്തിൻറെ വിവിധ മേഖലകളിൽ സ്ഥാനം പിടിച്ച പ്രമുഖവ്യക്തികളെ ആദരിക്കുന്നതിൻറെ ഭാഗമായി പി.ആർ നമ്പ്യാർ സ്‌മാരക ട്രസ്റ്റ് എല്ലാവർഷവും നൽകിവരുന്നതാണ് പുരസ്കാരം. 10000 രൂപയും ഫലകവും അടങ്ങുന്ന പുരസ്‌കാരം ഡിസംബർ 26 ന് വടകരയിൽ നടക്കുന്ന അനുസ്‌മരണ സമ്മേളനത്തിൽ വെച്ച് മുൻമന്ത്രി മുല്ലക്കര രത്നാകരൻ സമർപ്പിക്കും.