ചെരണ്ടത്തൂർ വയലിലേക്ക് ജീപ്പ് മറിഞ്ഞ് അപകടം. ഇന്ന് വൈകുന്നേരം അഞ്ചരയോടെ കൂടിയാണ് ചെരണ്ടത്തൂർ വയലിലേക്ക് എത്തിയ നാദാപുരം സ്വദേശികളുടെ ജീപ്പ് വയലിൽ കൂടിയുള്ള മൺപാതയിൽ നിന്നും പാടത്തേക്ക് മറിഞ്ഞ് അപകടം ഉണ്ടായത്. ആർക്കും പരിക്കില്ല.
പൂർണ്ണമായി വെള്ളം ഇറങ്ങാത്ത വയലിൽ കൂടിയുള്ള മൺപാതയിൽ നിന്നാണ് ജീപ്പ് തെന്നി മറിഞ്ഞത്.നാട്ടുകാർ കയറി കെട്ടി വലിച്ചു കരക്ക് കയറ്റുകയായിരുന്നു. നിരവധി വിനോദസഞ്ചാരികൾ എത്തുന്ന ചെരണ്ടത്തൂർ വയലിലേക്ക് വാഹനങ്ങളുമായി ഇറങ്ങുന്നത് അപകടമാണെന്ന് നാട്ടുകാർ മുന്നറിയിപ്പ് നൽകിയിട്ടുണ്ട്.
