കോഴിക്കോട് : അടുത്തവർഷത്തെ ഹജ്ജ് കർമ്മത്തിന് സംസ്ഥാന ഹജ്ജ് കമ്മിറ്റിക്ക് കീഴിൽ യാത്ര പുറപ്പെടുന്ന ഹാജിമാർക്കുള്ള ഒന്നാംഘട്ട സാങ്കേതിക പരിശീലന ക്ലാസുകൾക്ക് കോഴിക്കോട് ജില്ലയിൽ തുടക്കമായി. പഠന ക്ലാസ്സുകളുടെ
ജില്ലാതല ഉദ്ഘാടനം താമരശ്ശേരി പരപ്പൻപൊയിൽ ഹൈലാന്റ് ഓഡിറ്റോറിയത്തിൽ സംസ്ഥാന ഹജ്ജ് കമ്മിറ്റി ചെയർമാൻ ഡോ: ഹുസൈൻ സഖാഫി ചുള്ളിക്കോട് നിർവഹിച്ചു. അഡ്വ: പിടിഎ റഹീം എംഎൽഎ അധ്യക്ഷത വഹിച്ചു . ഹജ്ജ് കമ്മിറ്റി മെമ്പർ ഉമ്മർ ഫൈസി മുക്കം , ഹജ്ജ് കമ്മിറ്റി നോഡൽ ഓഫീസർ അസൈൻ പി കെ , വി എം ഉമ്മർ മാസ്റ്റർ , മുഹമ്മദ് ഹൈത്തമി വാവാട് , മയൂരി അബൂ ഹാജി എന്നിവർ ആശംസകൾ അറിയിച്ചു ക്ലാസുകൾക്ക് പി കെ ബാപ്പു ഹാജി , യു.പി അബ്ദുൽ ഹമീദ് മാസ്റ്റർ എന്നിവർ നേതൃത്വം നൽകി
കൊടുവള്ളി , തിരുവമ്പാടി മണ്ഡലങ്ങളിൽ നിന്നുള്ള 500 ൽ അധികം ഹാജിമാർ ക്ലാസിൽ പങ്കെടുത്തു കോഴിക്കോട് ജില്ലാ ഹജ്ജ് ട്രെയിനിങ് ഓർഗനൈസർ നൗഫൽ മങ്ങാട് സ്വാഗതവും കൊടുവള്ളി മണ്ഡലം ഹജ്ജ് ട്രെയിനിങ് ഓർഗനൈസർ എൻ പി സൈതലവി നന്ദിയും രേഖപ്പെടുത്തി
