കൊയിലാണ്ടി ഗവ: വൊക്കേഷണൽ ഹയർ സെക്കണ്ടറി സ്കൂളിന് സ്കൂളിലെ മുൻ ജീവനക്കാരനായിരുന്ന മനോജ് കുമാർ ആണ് സൗണ്ട് സിസ്റ്റം നൽകിയത്. ചടങ്ങ് കൊയിലാണ്ടി നഗരസഭ വൈസ് ചെയർമാൻ അഡ്വ: കെ. സത്യൻ ഉദ്ഘാടനം ചെയ്തു. പി.ടി.എ പ്രസിഡണ്ട് എ സജീവ് കുമാർ അധ്യക്ഷത വഹിച്ച ചടങ്ങിൽ പൂർവ്വ വിദ്യാർത്ഥി സംഘടന കൺവീനർ എൻ.വി വത്സൻ, എസ്.എസ്. ജി കൺവീനർ എം.ജി ബൽരാജ് , ഹെഡ്മിസ്ട്രസ് ഷജിത ടി എന്നിവർ ആശംസകൾ അർപ്പിച്ചു സംസാരിച്ചു.
പഠിക്കുന്ന കാലത്ത് വലുതായാൽ സ്കൂളിന് വേണ്ടി എന്തെങ്കിലും ചെയ്യണമെന്നു പറഞ്ഞ അധ്യാപകൻ്റെ വാക്കുകൾ ഓർത്തു കൊണ്ടാണ് താനിതു ചെയ്യുന്നതെന്നും ഗുരുത്വമെന്നത് മഹത്തായ ഒരു വാക്കാണെന്നും മനോജ് കുമാർ പറഞ്ഞു. പ്രിൻസിപ്പാൾ എൻ.വി പ്രദീപ് കുമാർ സ്വാഗതവും സ്റ്റാഫ് സെക്രട്ടറി നവീന എം നന്ദിയും പറഞ്ഞു.
