കൊയിലാണ്ടി: ചേമഞ്ചേരി ഗ്രാമപഞ്ചായത്തിലെ ഏഴാം വാർഡിൽ താമസിക്കുന്ന വടക്കേ പൂക്കാട്ടിൽ രഞ്ജിത്തിൻ്റെ (ഉണ്ണി -50) ചികിത്സക്കായി നാട്ടുകാർ സഹായ കമ്മിറ്റി രൂപപൽക്കരിച്ചു. നാല് വർഷമായി ക്യാൻസർ ബാധിച്ച് ചികിത്സയിലാണ് രഞ്ജിത്ത്. തൊഴിൽ രഹിതയായ ഭാര്യയും വിദ്യാർത്ഥികളായ രണ്ട് കുട്ടികളുമാണ് ഉള്ളത് . ചികിത്സാവശ്യാർത്ഥം വായ്പ വാങ്ങിയ വകയിൽ വീടും അഞ്ചു സ്ഥലവും പണയത്തിലാണ് .
ഇപ്പോൾ അസുഖം വീണ്ടും മൂർഛിച്ച് ആശുപത്രിയിൽ പ്രവേശിപ്പിച്ചിരിക്കുകയാണ്. തുടർ ചികിത്സക്കായി 45 ലക്ഷം രൂപയോളം ചെലവ് വരും. അടിയന്തരമായി 15 ലക്ഷം രൂപ ആശുപത്രിയിൽ അടക്കേണ്ടതുണ്ട് .
ബാക്കി സംഖ്യ ഒരു മാസത്തിനുള്ളിൽ അടക്കുകയും വേണം. സുമനസ്സുകളുടെ സഹായം കൊണ്ട് മാത്രമേ ഈ യുവാവിനെയും കുടുംബത്തെയും രക്ഷിക്കാൻ സാധിക്കുകയുള്ളൂ. ചേമഞ്ചേരി ഗ്രാമ പഞ്ചായത്ത് പ്രസിഡന്റ് സതി കിഴക്കിയിൽ ചെയർമാനും ശശി കൊളോത്ത് കൺവീനറും പി.കെ. രാമകൃഷ്ണൻ ട്രഷറുമായി ജനകീയ കമ്മിറ്റി രൂപീകരിച്ച് പ്രവർത്തനം ആരംഭിച്ചിട്ടുണ്ട് . സാമ്പത്തിക സഹായം ഗ്രാമിൺ ബാങ്ക് കൊയിലാണ്ടി ശാഖയിലെ എ.സി നമ്പർ 40200101028410 ,ഐഫ് എസ് സി KLGB0040200 എന്ന അക്കൗണ്ട് നമ്പറിലേക്ക് അയക്കണം.
