ബഡ്‌സ് റിഹാബിലിറ്റേഷന്‍ സെന്ററിലേക്ക് കമ്പ്യൂട്ടറുകള്‍ വിതരണം ചെയ്തു

കൊയിലാണ്ടി നഗരസഭ ബഡ്‌സ് റിഹാബിലിറ്റേഷന്‍ സെന്ററിലേക്ക് കമ്പ്യൂട്ടറുകള്‍ വിതരണം ചെയ്തു. നഗരസഭ ചെയര്‍പേഴ്‌സണ്‍ സുധ കിഴക്കേപ്പാട്ട് വിതരണോദ്ഘാടനം നിര്‍വഹിച്ചു. അഡ്വ. കെ സത്യന്‍ അധ്യക്ഷത വഹിച്ചു. കുട്ടികളുടെ സാങ്കേതിക വിജ്ഞാനം പരിപോഷിപ്പിക്കുന്നതിനും തൊഴില്‍പരമായ സാധ്യതകള്‍ കണ്ടെത്തുന്നതിനുമായി കുടുംബശ്രീ അനുവദിച്ച സപ്ലിമെന്ററി ഗ്രാന്റ് ഫണ്ടില്‍ നിന്നാണ് കമ്പ്യൂട്ടറുകള്‍ അനുവദിച്ചത്. ചടങ്ങില്‍ ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാന്‍ കെ ഷിജു, വാര്‍ഡ് കൗണ്‍സിലര്‍ പി ജിഷ സുരേഷ്, ഗിരീഷ് കുമാര്‍, സിഡിഎസ് ചെയര്‍പേഴ്‌സണ്‍ എം പി ഇന്ദുലേഖ എന്നിവര്‍ സംസാരിച്ചു. മെമ്പര്‍ സെക്രട്ടറി വി രമിത പദ്ധതി വിശദീകരിച്ചു.