കൊയിലാണ്ടി: സമർപ്പണത്തിൻ്റെയും, ക്ഷമയുടെയും സന്ദേശമാണ് ബലി പെരുന്നാൾ നൽകുന്ന സന്ദേശമെന്ന് വിസ്ഡം ഇസ്ലാമിക് യൂത്ത് ഓർഗനൈസേഷൻ ജില്ലാ വൈസ് പ്രസിഡണ്ട് വി.കെ ഉനൈസ് സ്വലാഹി പറഞ്ഞു. സാമൂഹിക ജീർണ്ണതക്കും, അനീതിക്കുമെതിരെ ശബ്ദിക്കാനുള്ള പ്രചോദനമാണ് ബലി പെരുന്നാൾ വിശ്വാസി സമൂഹത്തിന് പകർന്ന് നൽകുന്നത്.
തിന്മകളോട് പ്രതികരിക്കാതിരിക്കുകയും, നന്മക്ക് വേണ്ടി പ്രവർത്തിക്കാതിരിക്കുകയും ചെയ്യുക എന്നത് വിശ്വാസി സമൂഹത്തിന് ഭൂഷണമല്ല. ഇത് സ്രഷ്ടാവിൻ്റെ പരീക്ഷണങ്ങൾക്ക് കാരണമാകുമെന്നത് നാം മനസ്സിലാക്കണം. അദ്ദേഹം പറഞ്ഞു. കൊയിലാണ്ടി മുന്നാസ് ഓഡിറ്റോറിയം അങ്കണത്തിൽ നടന്ന ഈദ് ഗാഹിൽ ഈദ് പ്രഭാഷണം നടത്തുകയായിരുന്നു അദ്ദേഹം. നന്തി അൽ ഹിക്മ സെൻ്ററിൽ സബീഹ് തങ്ങൾ,അരിക്കുളത്ത് അഷ്റഫ് കാവിൽ, കാപ്പാട്ട് ശാദി മഹൽ ഓഡിറ്റോറിയത്തിൽ സലാഹുദ്ദീൻ സ്വലാഹിയും, കൊല്ലം അല്ഹിക്മ അങ്കണത്തിൽ അഫീഫ് കാരപ്പറമ്പ്പ്രാർത്ഥനക്ക് നേതൃത്വം നൽകി.
