പിഷാരികാവിലെ പള്ളിയറക്ക് കട്ടില വെച്ചു

കൊയിലാണ്ടി: കൊല്ലം പിഷാരികാവ് ക്ഷേത്രത്തിലെ പുതുക്കി പണിത പള്ളിയറയുടെ കട്ടില വെക്കൽ വിവിധ ചടങ്ങുകളോടെ നടന്നു. തെക്കൻ കൊല്ലത്ത് നിന്നും പിഷാരികാവിൽ എത്തിയ എട്ടുവീട്ടുകാർ ക്ഷേത്രത്തിന്റെ നിർമ്മാണം പൂർത്തിയാവുന്നതുവരെ ഭഗവതിയെ പ്രതിഷ്ഠിച്ചത് പള്ളിയറയിലാണെന്നാണ് ഐതിഹ്യം. ഉത്സവത്തോടനുബന്ധിച്ച പല ചടങ്ങുകളും നടക്കുന്ന സ്ഥലമാണ് പള്ളിയറ. ട്രസ്റ്റി ബോർഡ്‌ അംഗങ്ങളായ പുനത്തിൽ നാരായണൻ കുട്ടി നായർ, കെ. ബാലൻ നായർ, ദേവസ്വം മാനേജർ വി. പി. ഭാസ്കരൻ, മേൽശാന്തി എൻ. നാരായണൻ മൂസത്, എം. ബാലകൃഷ്ണൻ, കെ. കെ. രാകേഷ്, പി. സി. അനിൽകുമാർ, യു. കെ. ഉമേഷ്‌, ഷജേഷ് ആചാരി, എൻ. ഉണ്ണികൃഷ്ണൻ എന്നിവർ ചടങ്ങിൽ സംബന്ധിച്ചു.