മാലിന്യമുക്തനവകേരളം ക്യാമ്പയിനിൻ്റെ തുടർ പ്രവർത്തനങ്ങളുടെ ഭാഗമായി വിദ്യാർത്ഥികളിലും പൊതുജനങ്ങളിലും അവബോധം സൃഷ്ടിക്കുന്നതിനായി പന്തലായനി ബ്ലോക്ക് പഞ്ചായത്ത് വിദ്യാഭ്യാസ വകുപ്പിൻ്റെയും, ജില്ലാ ശുചിത്വ മിഷൻ്റെയും സഹായത്തോടെ വിപുലമായ പരിപാടികൾക്ക് തുടക്കമായി.
ക്ലീൻ വെബ്സ് 2025 എന്ന പേരിൽ ജൂൺ 5 മുതൽ 13 വരെ നടക്കുന്ന പ്രസ്തുത പരിപാടി വിജയിപ്പിക്കുന്നതിനായി പന്തലായനി ബ്ലോക്ക് പഞ്ചായത്ത് തല സംഘാടകസമിതി രൂപവൽക്കരിച്ചു. പന്തലായനി ബ്ലോക്ക് പഞ്ചായത്ത് പ്രസിഡണ്ട് ശ്രീ ബാബുരാജ് പരിപാടി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അഭിനീഷ്. കെ സ്വാഗതം പറഞ്ഞ പരിപാടിയിൽ വികസന കാര്യ സ്റ്റാൻഡിംഗ് കമ്മിറ്റി ചെയർമാൻ ജീവാനന്ദൻ മാസ്റ്റർ, രജുലാൽ ബി ഡി ഒ , മഞ്ജു. എം.കെ.എ.ഇ.ഒ, മധുസൂദനൻ.ബി.പി.ഒ, ഷാജു . ഇ. ജി ഇ ഒ, അഷിത ജില്ലാ ശുചിത്വ മിഷൻ ആർ.പി എന്നിവർ സംസാരിച്ചു.
