ക്വാറി മാഫിയയും ഭരണകൂടവും മുട്ടുമടക്കേണ്ടിവരും- വി പി ദുൽഖിഫിൽ

പുറക്കാമലയിലെ ജനങ്ങളുടെ ഇച്ഛാശക്തിയുടെ മുമ്പിൽ ക്വാറി മാഫിയും ഭരണകൂടവും മുട്ടുമടക്കേണ്ടി വരും കഴിഞ്ഞ രണ്ടു വർഷക്കാലമായി പുറക്കാമലയിലേ ജനങ്ങൾ നടത്തുന്നത് നാടിനെ സംരക്ഷിക്കാനുള്ള ജനാധിപത്യപരമായ സമരമാണ് ഈ സമരത്തെ പോലീസിനെ ഉപയോഗിച്ച് അടിച്ചമർത്തുന്ന സമീപനമാണ് ഭരണകൂടം നടത്തിക്കൊണ്ടിരിക്കുന്നത്
അറസ്റ്റ് വരിച്ച സമര പോരാളികൾക്ക് നൽകിയ സ്വീകരണ യോഗത്തിൽ സംസാരിക്കുകയായിരുന്നു ജില്ല പഞ്ചായത്ത് മെമ്പർ കൂടിയായ വി പി ദുൽഖിഫിൽ. പോലീസ് സംരക്ഷണത്തിൽ ക്വാറി പ്രവർത്തിക്കുവാൻ വന്നവർ സ്ഥലത്തെ സ്ത്രീകളടക്കമുള്ള പ്രദേശവാസികളുടെ ചെറുത്ത് നിൽപ്പ് കണ്ട് പിൻമാറുകയായിരുന്നു. സ്വീകരണ യോഗത്തിൽ ചെറുവണ്ണൂർ പഞ്ചായത്ത് പ്രസിഡന്റ് ഷിജിത്ത്, ആർ ജെ ഡി നിയോജകമണ്ഡലം പ്രസിഡന്റ് മോനിഷ, കമ്മന അബ്ദുറഹിമാൻ, സിറാജ് മാസ്റ്റർ എന്നിവർ സംസാരിച്ചു. സ്വീകരണ പ്രകടനത്തിന് പി കെ അനീഷ്, സി പി സുഹനാദ്, മുരളീധരൻ, നസ്റു എന്നിവർ നേത്യത്വം നൽകി.