മേപ്പയ്യൂർ: മുൻ എം.എൽ.എയും സലഫിയ അസോസിയേഷൻ സ്ഥാപകനേതാവുമായ എ.വി. അബ്ദുറഹ്മാൻ ഹാജി അനുസ്മരണവും സമകാലീന ഇന്ത്യ പ്രഭാഷണവും എ.വി. ചെയറിൻ്റെ ആഭിമുഖ്യത്തിൽ വ്യാഴാഴ്ച നടക്കും. എം.എൽ.എ. ടി.പി. രാമകൃഷ്ണൻ ഉദ്ഘാടനം ചെയ്യും. സലഫിയ അസോസിയേഷൻ പ്രസിഡൻ്റ് ഹുസൈൻ മടവൂർ അധ്യക്ഷത വഹിക്കും. സംസ്ഥാന ആസൂത്രണ ബോർഡ് മുൻ അംഗം സി.പി. ജോൺ ഇന്ത്യയിൽ മതേതരത്വം അവശേഷിക്കുമോ എന്ന വിഷയത്തിൽ പ്രഭാഷണം നടത്തും. ഉമ്മർ പാണ്ടികശാല എ.വി. അനുസ്മരണ പ്രഭാഷണം നടത്തും. മേപ്പയ്യൂർ ഗ്രാമപ്പഞ്ചായത്ത് പ്രസിഡൻ്റ് കെ.ടി.രാജൻ പ്രതിഭകളെ ആദരിക്കും. സി.കെ. ഹസൻ, എ.എം. അബ്ദുൾ സലാം എന്നിവർ സംബന്ധിക്കും. പത്രസമ്മേളനത്തിൽ സലഫിയ ജനറൽ സെക്രട്ടറി എ.വി. അബ്ദുല്ല, എ.വി ചെയർ കൺവീനർ അജയ് ആവള , ഭാരവാഹികളായ എ.എം. അബ്ദുൾ സലാം, കായലാട്ട് അബ്ദുറഹ്മാൻ, എ.പി.അസീസ് എന്നിവർ പങ്കെടുത്തു.
