തിരുവങ്ങൂർ : ഇന്ത്യൻ ആർമിയിൽ ക്യാപ്റ്റനായി നിയമനം ലഭിച്ച റെഡ് ക്രോസിന്റെയും സെന്റ് ജോൺ ആംബുലൻസിന്റെയും ശുശ്രൂഷ പരിശീലകനും എക്സാമിനറും ആയ ഡോ. വിഷ്ണു മോഹന് ഇന്ത്യൻ റെഡ് ക്രോസ് സൊസൈറ്റി കോഴിക്കോട് ജില്ലാ ബ്രാഞ്ച് യാത്രയയപ്പ് നൽകി .
റെഡ് ക്രോസ് കൊയിലാണ്ടി താലൂക്ക് ചെയർമാൻ കെ കെ രാജന്റെ അധ്യക്ഷതയിൽ ചേർന്ന യാത്രയയപ്പ് യോഗത്തിൽ റെഡ് ക്രോസ് കോഴിക്കോട് ജില്ല ചെയർമാൻ മാടഞ്ചേരി സത്യനാഥൻ ഉപഹാര സമർപ്പണം നടത്തി.
സെക്രട്ടറി കെ ദീപു, ട്രഷറർ രഞ്ജീവ് കുറുപ്പ് , കെ.കെ രാജേന്ദ്രകുമാർ, കെ.കെ ഫാറൂക്ക് , ടി.കെ താജുദീൻ അബ്ദുറഹമാൻ കുട്ടി, ബിജിത് ആർ സി , ഷാജി ഇഡീക്കൽ , ഷാജി എ പി , സി ബാലൻ, സലിം പുല്ലടി എന്നിവർ സംസാരിച്ചു.
