നടുവത്തൂർ ശ്രീ വാസുദേവ ആശ്രമ ഗവൺമെൻ്റ് ഹയർ സെക്കണ്ടറി സ്കൂൾ ഗൈഡ്സ് യൂണിറ്റും കോഴിക്കോട് ട്രിനിറ്റി കണ്ണാശുപത്രിയും സംയുക്തമായി സൗജന്യ നേത്ര പരിശോധന ക്യാമ്പ് സംഘടിപ്പിച്ചു

നടുവത്തൂർ ശ്രീ വാസുദേവ ആശ്രമ ഗവൺമെൻ്റ് ഹയർ സെക്കണ്ടറി സ്കൂൾ ഗൈഡ്സ് യൂണിറ്റും കോഴിക്കോട് ട്രിനിറ്റി കണ്ണാശുപത്രിയും സംയുക്തമായി സംഘടിപ്പിക്കുന്ന സൗജന്യ നേത്ര പരിശോധന ക്യാമ്പ് 2024 നവംമ്പർ 6 ബുധനാഴ്ച കാലത്ത് 10 മണി മുതൽ ഉച്ചക്ക് 2 മണി വരെ നടത്തി. ക്യാമ്പിൻ്റെ ഉദ്ഘാടനം എൻ എം സുനിൽ ( ബഹു: കീഴരിയൂർ പഞ്ചായത്ത് വൈസ് പ്രസിഡന്റ്) നിർവഹിച്ചു. ഗൈഡ്സ് ലീഡർ ദേവപ്രിയ എം എം സ്വാഗതം പറഞ്ഞ ചടങ്ങിൽ സ്കൂൾ പി ടി എ വൈസ് പ്രസിഡന്റ് ഒ കെ സുരേഷ് അധ്യക്ഷത വഹിച്ചു. മദർ പി ടി എ വൈസ് പ്രസിഡന്റ് ബിന്ദു കെ, ഗൈഡ്സ് ക്യാപ്റ്റൻ ശിൽപ സി , സൗഹൃദ കോഡിനേറ്റർ സിന്ധു വി കെ , സ്റ്റാഫ് സെക്രട്ടറി രേഖ എൻ എന്നിവർ ആശംസ അർപ്പിച്ചു സംസാരിച്ചു. ട്രിനിറ്റി കണ്ണാശുപത്രി പി ആർ ഒ മാനേജർ ഫൈസൽ കെ. കെ ക്യാമ്പ് വിശദീകരണം നടത്തി. ഗൈഡ്സ് യൂണിറ്റ് അംഗം നിയാലക്ഷ്മി പരിപാടിക്ക് നന്ദി പറഞ്ഞു.