മീഞ്ചന്ത – അരയിടത്തുപാലം ബൈപ്പാസ് റോഡിലുള്ള മാങ്കാവ് പാലം അറ്റകുറ്റപ്പണികൾക്കായി മെയ് 30 രാത്രി 10 മണി മുതൽ മൂന്ന് ദിവസത്തേക്ക് പൂർണ്ണമായും അടച്ചിടും

മീഞ്ചന്ത – അരയിടത്തുപാലം ബൈപ്പാസ് റോഡിലുള്ള മാങ്കാവ് പാലം അറ്റകുറ്റപ്പണികൾക്കായി മെയ് 30 രാത്രി 10 മണി മുതൽ മൂന്ന് ദിവസത്തേക്ക് പൂർണ്ണമായും അടച്ചിടും. കോഴിക്കോട് ഭാഗത്തുനിന്നും രാമനാട്ടുകര വഴി സർവീസ് നടത്തുന്ന ദീർഘദൂര ബസ്സുകൾ പുതിയറ ജംഗ്ഷനിൽ നിന്നും ഇടത്തോട്ട് തിരിഞ്ഞ് അരയിടത്തുപാലം തൊണ്ടയാട് പന്തീരങ്കാവ് വഴി രാമനാട്ടുകരയ്ക്ക് പോവണം. രാമനാട്ടുകര ഭാഗത്തു നിന്നും കോഴിക്കോട് ഭാഗത്തേക്ക് വരുന്ന ദീർഘദൂര ബസ്സുകൾ രാമനാട്ടുകര ബസ്സ്‌റ്റാൻ്റിൽ നിന്നും പന്തീരങ്കാവ് ബി.എസ്.എൻ.എൽ ജംഗ്ഷൻ, മാങ്കാവ് ജംഗ്ഷൻ, അരയിടത്തു പാലം വഴി പുതിയ ബസ് സ്റ്റാൻഡിലേക്ക് പ്രവേശിക്കണം.
പുതിയ ബസ്റ്റാൻഡിൽ നിന്നും മാങ്കാവ്, രാമനാട്ടുകര വഴി സർവീസ് നടത്തുന്ന ഹ്രസ്വദൂര ബസ്സുകൾ (പരപ്പനങ്ങാടി, കോട്ടക്കടവ് ) പാളയം- കല്ലായി- മീഞ്ചന്ത -ചെറുവണ്ണൂർ വഴി പോവേണ്ടതും തിരികെ ഇതേ റൂട്ടിൽ സർവ്വീസ് നടത്തേണ്ടതുമാണ്.
കോഴിക്കോട് നിന്നും മാങ്കാവ് വഴി മീഞ്ചന്ത, ഫറൂക്ക് ഭാഗത്തേക്ക് പോവേണ്ട മറ്റു വാഹനങ്ങൾ പാളയം-കല്ലായി-മീഞ്ചന്ത വഴിയും കോഴിക്കോട് നിന്നും രാമനാട്ടുകര ഭാഗത്തേക്ക് പോവേണ്ട മറ്റു വാഹനങ്ങൾ തൊണ്ടയാട് പന്തീരങ്കാവ് വഴി പോവേണ്ടതാണ്.
കോഴിക്കോട്-പന്തീരങ്കാവ് ബൈപ്പാസ് റോഡിൽ ഗതാഗത കുരുക്ക് ഉണ്ടാവാൻ ഇടയുള്ളതിനാൽ കോഴിക്കോട് സിറ്റിയുടെ വടക്ക് ഭാഗത്തു നിന്നും കോഴിക്കോട് എയർപോർട്ടിലേക്ക് തൊണ്ടയാട്- മെഡിക്കൽകോളജ്-എടവണ്ണപ്പാറ വഴി ഉപയോഗപ്പെടുത്തണമെന്ന് സിറ്റി ട്രാഫിക് എൻഫോഴ്സ്മെന്റ് യൂണിറ്റ്ഇൻസ്പെക്ടർ അറിയിച്ചു.

Leave a Reply

Your email address will not be published.

Previous Story

ശക്തമായ കാറ്റിലും മഴയിലും വഞ്ചി തകർന്നു. മൂന്നു മത്സ്യതൊഴിലാളികൾക്ക് പരുക്ക്

Next Story

ട്രോളിങ് നിരോധനം ജൂൺ 9 അർധരാത്രി മുതൽ; പെയർ ട്രോളിംഗ് കർശനമായി നിരോധിച്ചു

Latest from Main News

തൃശൂർ കെഎസ്ആർടിസി ബസിൽ ലൈംഗികാതിക്രമം: പഴയ കേസിലെ പ്രതി സവാദ് വീണ്ടും അറസ്റ്റിൽ

തൃശൂർ: കെഎസ്ആർടിസി ബസിൽ യാത്ര ചെയ്ത യുവതിക്ക് നേരെ ലൈംഗികാതിക്രമം നടത്തിയ കേസിൽ വടകര സ്വദേശി സവാദിനെ തൃശൂർ ഈസ്റ്റ് പൊലീസ്

വാല്‍പ്പാറയില്‍ പുലി പിടിച്ച നാലുവയസുകാരിയുടെ മൃതദേഹം കണ്ടെത്തി; പകുതി ഭക്ഷിച്ച നിലയില്‍

  തൃശൂര്‍: തമിഴ്നാട്ടിലെ വാല്‍പ്പാറയില്‍ പുലി പിടിച്ചുകൊണ്ടു പോയ നാലു വയസുകാരി മരിച്ചനിലയില്‍. ലയത്തില്‍ നിന്ന് 300 മീറ്റര്‍ അകലെ കാട്ടില്‍

സംസ്ഥാനത്ത് 5 ലിറ്ററിൽ താഴെയുള്ള പ്ലാസ്റ്റിക് കുപ്പികൾ നിരോധിക്കാൻ നീക്കം

സംസ്ഥാനത്ത് 5 ലിറ്ററിൽ താഴെയുള്ള പ്ലാസ്റ്റിക് കുപ്പികൾ നിരോധിക്കാൻ നീക്കം. വിവാഹ ചടങ്ങുകൾ, ഹോട്ടലുകൾ, ടൂറിസം കേന്ദ്രങ്ങളിൽ പ്ലാസ്റ്റിക് കുപ്പികളിൽ വെള്ളം

വയനാട് പുനരധിവാസ ടൗൺഷിപ്പ്: വീട് തിരഞ്ഞെടുക്കാത്ത 104 കുടുംബങ്ങൾക്ക് 15 ലക്ഷം രൂപ വീതം നൽകി

മുണ്ടക്കൈ-ചൂരൽമല ദുരന്തബാധിതരുടെ പുനരധിവാസത്തിനായി കൽപ്പറ്റയിൽ ഒരുക്കുന്ന ടൗൺഷിപ്പിൽ വീട് വേണ്ടെന്നു തീരുമാനിച്ച 104 കുടുംബങ്ങൾക്ക് സർക്കാർ വാഗ്ദാനം ചെയ്ത 15 ലക്ഷം