കൊയിലാണ്ടി: പാലക്കുളത്ത് വാഹനങ്ങള് കൂട്ടിയിടിച്ച് അപകടം. ചോറോട് സ്വദേശി മുഹമ്മദ് ഇഷാൻ (2) ആണ് മരിച്ചത്. നിര്ത്തിയിട്ട കാര്, പിക്കപ്പ് വാന്,മിനി ലോറി എന്നിവയാണ് കൂട്ടിയിടിച്ചത്. 11.15 യോടെയാണ് അപകടം സംഭവിച്ചത്. അപകടത്തില് കാറില് ഉണ്ടായിരുന്ന യാത്രക്കാര്ക്കാണ് പരിക്കേറ്റത്.
കൊല്ലത്ത് ബന്ധുവീട്ടിൽ വന്നതായിരുന്നു ഇവർ. കാറിന്റെ ടയർ പഞ്ചറായതിനെ തുടർന്ന് ഡ്രൈവർ ടയർ മാറ്റുന്നതിനിടെ ആണ് അപകടം ഉണ്ടായത്. റോഡരികിൽ നിർത്തിയിട്ട കാറിന് പിറകിൽ മിനി ലോറി വന്ന് ഇടിക്കുകയായിരുന്നു. ടയറുകൾ മാറ്റുമ്പോൾ കാറിലുള്ളവർ പുറത്തിറങ്ങി നിൽക്കുകയായിരുന്നു. പരിക്കേറ്റവരെ കൊയിലാണ്ടി താലൂക്ക് ആശുപത്രിയില് എത്തിച്ച് പ്രാഥമിക ചികിത്സയ്ക്ക് ശേഷം കോഴിക്കോട് മെഡിക്കല് കോളേജിലേക്ക് കൊണ്ടുപോയി.
