കൊയിലാണ്ടിയിൽ തായമ്പകോത്സവം; വേദി കുറുവങ്ങാട് നരിക്കുനി എടമന ഇല്ലം

 

കൊയിലാണ്ടി: മേള ആസ്വാദകർക്ക് ഉത്സവമായി കൊയിലാണ്ടിയിൽ തായമ്പകോത്സവത്തിന് അരങ്ങൊരുങ്ങുന്നു. കേരളീയ കലകളെയും വിജ്ഞാനശാഖകകളെയും പരിപോഷിപ്പിയ്ക്കാനായി പ്രവർത്തിക്കുന്ന ശ്രീരുദ്ര ഫൗണ്ടേഷനാണ് സംഘടിപ്പിക്കുന്നത്.  ഏപ്രിൽ 7 ഞായറാഴ്ച കുറുവങ്ങാട് നരിക്കുനി എടമന വേട്ടയ്ക്കൊരു മകൻ ക്ഷേത്രത്തിൽ നടക്കുന്ന തായമ്പകോത്സവത്തിൽ കൗമാര വാദ്യപ്രതിഭകൾ മാറ്റുരയ്ക്കും.

സ്കൂൾ യുവജനോത്സവത്തിന് പുറമെ കേരളത്തിൽ ഇപ്പോൾ തായമ്പകയ്ക്കായി മത്സരവേദികളൊന്നുമില്ല. അതുകൊണ്ട് തന്നെ ഈ തായമ്പകോത്സവം പ്രത്യേക ശ്രദ്ധ ആകർഷിക്കുന്നു. വാദ്യകലാ പ്രമുഖരുടെയും ആസ്വദകരുടെയും ഒരൊത്തുചേരലായി തായമ്പകോത്സവം ആവേശം വിതറും.

കേരളത്തിലെ വിവിധ ജില്ലകളിൽ നിന്നുള്ള അപേക്ഷകരിൽ പ്രാഥമിക റൗണ്ട് സെലക്ഷൻ കടന്നെത്തിയ 17 പേരാണ് മത്സരത്തിൽ പങ്കെടുക്കുന്നത്. സ്കൂൾ യുവജനോത്സവ വേദികളിലും ക്ഷേത്രോത്സവങ്ങളിലും യൂട്യൂബിലുമൊക്കെ തായമ്പക കൊട്ടി മിന്നിത്തിളങ്ങുന്നവരാണ് മിക്കവരും.

 

രണ്ട് പെൺകുട്ടികളും മത്സരത്തിനെത്തുന്നുണ്ട്. ഒന്ന്, രണ്ട്, മൂന്ന് സ്ഥാനങ്ങൾ നേടുന്നവർക്ക് ശ്രീരുദ്ര ഫൗണ്ടേഷൻ സ്വർണ്ണ മെഡലുകൾ സമ്മാനിക്കും.
രാവിലെ 8 മണിക്ക് മത്സരം ആരംഭിക്കും. പ്രശസ്ത ചരിത്രകാരൻ ഡോ. എം.ആർ. രാഘവ വാര്യർ ഉദ്‌ഘാടനം നിർവ്വഹിക്കും. വൈകീട്ട് 6.30ന് അവസാനിക്കും. 20 മിനിട്ടാണ് മത്സര സമയം. ചുരുങ്ങിയത് 4 അകമ്പടി വാദ്യക്കാർ ഒരു മത്സരാർത്ഥിയ്ക്കൊപ്പം പങ്കെടുക്കും. തായമ്പക കലയിലെ വിദഗ്ദരായ മൂന്ന് പേർ വിധി നിർണ്ണയം നടത്തും. തായമ്പക കലയിലെ വ്യത്യസ്ഥ ശൈലികളുടെയും പുതു പ്രവണതകളുടെയും മാറ്റുരയ്ക്കലായി തായമ്പകോത്സവം മാറും. കേരളത്തിൻ്റെ വാദ്യകുലപതി പത്മശ്രീ മട്ടന്നൂർ ശങ്കരൻ കുട്ടിമാരാരാണ് തായമ്പകോത്സവത്തിൻ്റെ മാർഗ്ഗ നിർദ്ദേശകൻ.

Leave a Reply

Your email address will not be published.

Previous Story

കടക്കുഴിച്ചിറ സംരക്ഷിക്കാനുള്ള നടപടികൾ അന്തിമഘട്ടത്തിലേക്ക്

Next Story

ഏപ്രില്‍ ആറിന് മുചുകുന്ന് കൊടക്കാട്ടും മുറി അരീക്കണ്ടി ഭഗവതി ക്ഷേത്രത്തില്‍ വൈകീട്ട് വലിയ വട്ടളം ഗുരുതി നടക്കും

Latest from Local News

പന്തലായനി ബ്ലോക്ക് തല പഠനോത്സവം സ്വാഗത സംഘം രൂപീകരിച്ചു

കൊയിലാണ്ടി: ഏപ്രിൽ 27 ന് നടക്കുന്ന പന്തലായനി ബ്ലോക്ക് തല പഠനോത്സവത്തിന് സംഘാടക സമിതി രൂപികരിച്ചു. ചേമഞ്ചേരി പഞ്ചായത്ത് ഫ്രീഡം ഫൈറ്റേഴ്സ്

നാണുവിനെ ജീവിതത്തിലേക്ക് തിരിച്ചു കൊണ്ടുവരാൻ നാടൊന്നാകെ ഒരേ മനസായ് ഒറ്റക്കെട്ടായി രംഗത്ത്

കുറ്റ്യാടി : ഗുരുതരമായ കരൾ രോഗം ബാധിച്ച് ആശുപത്രിയിൽ കഴിയുന്ന കായക്കൊടി പഞ്ചായത്തിലെ കരണ്ടോട് എടക്കുടി നാണുവിനെ (51) ജീവിതത്തിലേക്ക് തിരിച്ചു

കൊല്ലം പിഷാരികാവ് കളിയാട്ട മഹോത്സവം ഭക്തജനത്തിരക്കേറുന്നു

കൊയിലാണ്ടി:കൊല്ലം പിഷാരികാവ് കാളിയാട്ട മഹോത്സവത്തിന് ഭക്തജനത്തിരക്കേറുന്നു. കളിയാട്ട മഹോത്സവത്തിന്റെ നാലാം ദിവസമായ ബുധനാഴ്ച വലിയ ഭക്തജന തിരക്കാണ് ക്ഷേത്രത്തിൽ അനുഭവപ്പെട്ടത്. രാവിലെ

ലൈഫ് ഈസ് ബ്യൂട്ടിഫുൾ : ഞാനും എൻ്റെ കുടുബവും ലഹരിമുക്തം പദ്ധതിയുമായി കായണ്ണ ഗവ. ഹയർസെക്കൻഡറി സ്കൂൾ എൻ എസ് എസ്

സംസ്ഥാന നാഷണൽ സർവീസ് സ്കീം നടപ്പിലാക്കുന്ന ലൈഫ് ഈസ് ബ്യൂട്ടിഫുൾ ക്യാമ്പയിന്റെ ഭാഗമായി കായണ്ണ ഗവ. ഹയർസെക്കൻഡറി സ്കൂൾ നാഷണൽ സർവീസ്

ഏപ്രിൽ 20 മുതൽ 26 വരെ നടക്കുന്ന നൊച്ചാട് ഫെസ്റ്റിൻ്റെ ലോഗോ പ്രകാശനം ചെയ്തു

ഏപ്രിൽ 20 മുതൽ 26 വരെ പഴയ പഞ്ചായത്താപ്പീസ് പരിസരത്ത് വെച്ച് നടക്കുന്ന നൊച്ചാട് ഫെസ്റ്റിൻ്റെ ലോഗോ പ്രശ്സത നാടക സംവിധായകൻ