നൃത്ത,സംഗീത രംഗത്ത് വ്യക്തിമുദ്ര പതിപ്പിച്ച ചെറിയേരി നാരായണന് നായര് അനുസ്മരണം ജൂലായ് ഏഴിന് അരിക്കുളത്ത് നടക്കും. അരിക്കുളം എല്.പി സ്കൂള് അങ്കണത്തിലാണ് അതിവിപുലമായ അനുസ്മരണ ചടങ്ങ് സംഘടിപ്പിക്കുന്നത്.
അനുസ്മരണ ചടങ്ങ് പേരാമ്പ്ര എം.എൽ.എ ടി.പി രാമകൃഷ്ണൻ ഉദ്ഘാടനം ചെയ്യും. അരിക്കുളം ഗ്രാമപഞ്ചായത്ത് പ്രസിഡന്റ് എം.എം.സുഗതൻ അധ്യക്ഷത വഹിക്കും. ചടങ്ങില് കേരളത്തില് അറിയപ്പെടുന്ന സാംസ്ക്കാരിക പ്രവര്ത്തകരും കലാകാരന്മാരും പങ്കെടുക്കും.
ഗാന രചന, സംഗീതം, ആലാപനം എന്നീ കഴിവുകള്ക്ക് പുറമെ രസാഭിനയത്തിന്റെ സകലഭാവങ്ങളേയും, അവയുടെ പൂര്ണ്ണതയോടെ അവതരിപ്പിക്കാനുള്ള കഴിവ്, ലാസ്യ നടനത്തിന് യോജിച്ച ശരീര ഘടന, ഇവയെല്ലാം ഒത്തുചേര്ന്ന കലാകാരനായിരുന്നു ചെറിയേരി നാരായണന് നായര്. ഗുരു ചേമഞ്ചേരിയുടെ പ്രിയ ശിഷ്യനുമായിരുന്ന അദ്ദേഹം മികച്ച സാമൂഹ്യ പ്രവര്ത്തകനും, പ്രസംഗകനുമായിരുന്നു. നാരായണന് നായര് രചനയും സംവിധാനവും നിര്വഹിച്ച ‘അംബ,’ എന്ന നൃത്ത നാടകം ഏറെ പ്രസിദ്ധമായിരുന്നു.
