കൊയിലാണ്ടി മേലൂർ ഗ്രീഷ്മം അക്ഷയശ്രീ സ്വയം സഹായ സംഘത്തിൻ്റെ നൂതന ഉല്പന്നങ്ങൾ പുറത്തിറക്കി

കൊയിലാണ്ടി മേലൂർ ഗ്രീഷ്മം അക്ഷയശ്രീ സ്വയം സഹായ സംഘത്തിൻ്റെ നൂതന ഉല്പന്നങ്ങൾ പുറത്തിറക്കി. കഴുകി ഉണക്കിപൊടിച്ച കറി പൗഡറുകൾ, മുളക് പൊടി, മല്ലിപൊടി, മഞ്ഞൾ പൊടി പാക്കറ്റുകൾ ചെങ്ങോട്ടുകാവ് ഗ്രാമ പഞ്ചായത്ത് രണ്ടാം വാർഡ് മെമ്പറായ സുധാ കാവുങ്കലും മൂന്നാം വാർഡ് മെമ്പറായ ഗീതാകാരോലും ചേർന്ന് പുറത്തിറക്കി. ഗ്രീഷ്മം സ്വയം സഹായ സംഘം പ്രസിഡൻ്റ് ബാലകൃഷ്ണൻ ചോനാം പീടിക അധ്യക്ഷത വഹിച്ചു. സെക്രട്ടറി എം.ബാബു, വൈസ് പ്രസിഡൻ്റ് രാമകൃഷ്ണൻ, ജോ. സെക്രട്ടറി ഗോപാലകൃഷ്ണൻ എന്നിവർ സംസാരിച്ചു.