ശ്രദ്ധ സെൻ്റർ ഫോർ യോഗ പൂക്കാട് ഇരുപതാം വാർഷികാഘോഷത്തിൻ്റെ ഭാഗമായി സൗജന്യ യോഗ പരിശീലനശിബിരം സമാപനവും അന്താരാഷ്ട്ര യോഗ ദിനാചരണവും നടത്തി. പൂക്കാട് കലാലയം സർഗ്ഗവനി ഓഡിറ്റോറിയത്തിൽ ഡോ : പീയൂഷ് നമ്പൂതിരിപ്പാട്, പ്രാർത്ഥനകുമാരി, ഭദ്ര നായർ എന്നിവർ പങ്കെടുത്തു.ചടങ്ങിൽ പ്രീത പൊന്നാടത്ത് അധ്യക്ഷത വഹിച്ചു.
പ്രശസ്ത കവി സത്യചന്ദ്രൻ പൊയിൽക്കാവിനെ ചടങ്ങിൽ ആദരിച്ചു. ചേമഞ്ചേരി ഗ്രാമപഞ്ചായത്തംഗം സുധ തടവൻ കയ്യിൽ, കഥകളി വിദ്യാലയം പ്രിൻസിപ്പൽ കലാമണ്ഡലം പ്രേംകുമാർ, ഡോ ഇ ശ്രീജിത്ത്, തിരുവങ്ങൂർ എച്ച് എസ് എസ് റിട്ട പ്രധാന അധ്യാപിക കെ സൗദാമിനി, മർച്ചന്റ് അസോയേഷൻ പ്രസിഡണ്ട് സിജിത്ത് തീരം എന്നിവർ ആശംസകളർപ്പിച്ച് സംസാരിച്ചു.
സത്യനാഥൻ മാടഞ്ചേരി സ്വാഗതവും. കുമാരി ഗോപിക ഗോപകുമാർ നന്ദിയും പ്രകടിപ്പിച്ചു. തുടർന്ന് കുമാരി ആർദ്രപ്രേം, എ ആർ,ആതിര എസ്ബി , കുമാരി ദേവനന്ദ എസ്ബി എന്നിവർ ഒരുക്കിയ നൃത്തസന്ധ്യക്ക് ശേഷം സി അശ്വനി നയിച്ച സംഗീത വിരുന്നും അരങ്ങേറി. ഇരുപത്തി ഒന്ന് ദിവസം നീണ്ടു നിന്ന സൗജന്യ യോഗ പരിശീലന പരിപാടിക്കാണ് ഇന്ന് സമാപനം കുറിച്ചത്.
