കീഴരിയൂർ : ഉത്സവാന്തരീക്ഷത്തിൽ കണ്ണോത്ത് യു.പി. സ്കൂളിൻ്റെ പ്രവേശനോത്സവം നടന്നു. സിവിൽ സർവ്വീസ് ജേതാവും സ്കൂളിലെ പൂർവ്വ വിദ്യാർത്ഥിയുമായ ശാരിക എ.കെ. ഉദ്ഘാടനം ചെയ്തു. പി.ടി.എ പ്രസിഡണ്ട് ശശി പാറോളി അധ്യക്ഷത വഹിച്ചു. വർണ ബലൂണുകളും അലങ്കാരത്തൊങ്ങലുകളുമണിഞ്ഞ വിദ്യാർത്ഥികളെ വാദ്യമേളങ്ങളുടെ അകമ്പടിയോടെ സ്വീകരിച്ചു. പഠനോപകരണങ്ങളുടെ വിതരണോൽഘാടനവും ശാരിക നിർവ്വഹിച്ചു. സ്കൂൾ സൗന്ദര്യവൽക്കരണപരിപാടിയുടെ ഭാഗമായി കുട്ടികളുടെ ജന്മദിന സമ്മാനം സ്വീകരിക്കലിൻ്റെ ഉദ്ഘാടനം ഗ്രാമപഞ്ചായത്തംഗം എം സുരേഷ്കുമാർ നിർവഹിച്ചു. മാനേജ്മെൻറ് പ്രതിനിധി സനിൽ കുമാർ കെ, കെ.എം. സുരേഷ് ബാബു, വി.പി. സദാനന്ദൻ,കെ.കെ. അബ്ദുൽ സത്താർ, എൻ.ടി. കമല, പി.സുഷമ , സിൻഷ. കെ. അബ്ദുറഹിമാൻ, എ. ശ്രീജ എന്നിവർ ആശംസകൾ അർപ്പിച്ചു.തുടർന്ന് ഫ്ലാഷ് മോബ്,ലത നാരായണനും സംഘവും അവതരിപ്പിച്ച നാടൻ പാട്ട് എന്നിവ അരങ്ങേറി. ഹെഡ്മിമിട്രസ് കെ ഗീത സ്വാഗതവും സ്റ്റാഫ് സെക്രട്ടറി സി .ബിജു നന്ദിയും പറഞ്ഞു.
