തിരുവനന്തപുരം: രണ്ടാം പീഡനക്കേസിൽ രാഹുൽ മാങ്കൂട്ടത്തിലിൻ്റെ മുൻകൂർ ജാമ്യം റദ്ദാക്കണമെന്ന ഹർജി തിരുവനന്തപുരം ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി ഇന്ന് പരിഗണിക്കും. ബെംഗളൂരു സ്വദേശിനിയെ പീഡിപ്പിച്ചെന്ന പരാതിയിൽ രാഹുലിന് അനുവദിച്ച മുൻകൂർ ജാമ്യം റദ്ദാക്കണമെന്നാണ് പ്രോസിക്യൂഷന്റെ ആവശ്യം.
ജാമ്യ വ്യവസ്ഥകൾ ലംഘിച്ചുവെന്നാരോപിച്ചാണ് പ്രോസിക്യൂഷൻ ഹർജി നൽകിയിരിക്കുന്നത്. രാഹുൽ വാട്ട്സ്ആപ്പ് കോൾ ചെയ്തതായി യുവതി പൊലീസിന് നൽകിയ പരാതിയെ തുടർന്നാണ് നടപടി. ഇത് ജാമ്യ വ്യവസ്ഥയുടെ ലംഘനമാണെന്ന് പ്രോസിക്യൂഷൻ കോടതിയെ അറിയിച്ചിട്ടുണ്ട്.
കേസിൽ ഇരുപക്ഷത്തിൻ്റെയും വാദം കേട്ടശേഷം കോടതി തീരുമാനം പ്രഖ്യാപിക്കുമെന്നാണ് വിവരം.
