പൊയിൽക്കാവ് എടക്കുളം മുതുകൂറ്റിൽ പരദേവതാക്ഷേത്രോത്സവം ഫെബ്രുവരി ആറുമുതൽ 11 വരെ നടക്കും. ആറിന് വൈകീട്ട് സുദർശന ഹോമം, ഏഴിന് ത്രികാലപൂജ, എട്ടിന് രാവിലെ സുകൃതഹോമം, സായൂജ്യപൂജ, വൈകുന്നേരം അഞ്ചുമണിക്ക് കൊടിയേറ്റം. 5.30ന് കലവറ നിറയ്ക്കൽ. രാത്രി എട്ടിന് ഡാൻസ് നൈറ്റ്.
ഒമ്പതിന് രാവിലെ തത്വഹോമം, തത്വകലശം, ബ്രഹ്മകലശപൂജ, തത്വകലശാഭിഷേകം. 10.30ന് ഭക്തജനകുടുംബസംഗമം. തുടർന്ന് പ്രഭാഷണം, ഒരുമണിക്ക് അന്നദാനം, രാത്രി 8ന് തിരുവാതിരക്കളി.
ഫെബ്രുവരി 10ന് ചൊവ്വാഴ്ച രാവിലെ ഒമ്പതിന് അരങ്ങോലപുറപ്പാട്, ഉച്ചയ്ക്ക് 12ന് ചതുശ്ശത പായസനിവേദ്യം, ഉച്ചപ്പാട്ട്. ഒരുമണിക്ക് അന്നദാനം, വൈകീട്ട് നാലിന് അരങ്ങോല വരവ്. വൈകുന്നേരം 7ന് കലാമണ്ഡലം സനൂപ്, സരുൺ മാധവ് പിഷാരികാവ് എന്നിവർ അവതരിപ്പിക്കുന്ന ഇരട്ടത്തായമ്പക. 8.30ന് കളമെഴുത്ത്, മുല്ലയ്ക്കൽപാട്ട്, 9മണിക്ക് ആലിൻകീഴ്മേളം. തുടർന്ന് താലപ്പൊലിയോടുകൂടി മുല്ലക്കാപാട്ടിനെഴുന്നെള്ളിപ്പ്, പാണ്ടിമേളം. രാത്രി 10ന് കളപ്രദക്ഷിണം, 10.30ന് തേങ്ങയേറ്, കളംപൂജ, കളംമായ്ക്കൽ, വാളകംകൂടൽ.
11ന് ബുധനാഴ്ച രാവിലെ 9ന് സർവൈശ്വര്യപൂജ, ഒരു മണിക്ക് അന്നദാനം, വൈകീട്ട് നാലിന് പൂതംവരവ്, 6.30ന് പരദേവതയുടെ കൂട്ടുതിറ. രാത്രി 8ന് കലാപരിപാടികൾ, 12ന് പുലർച്ചെ 3ന് കൂട്ടുതിറ എന്നിവ നടക്കും.
