കുടുംബശ്രീ ജില്ലാ മിഷന്റെ നേതൃത്വത്തില് സംഘടിപ്പിച്ച ബഡ്സ്-ബി.ആര്.സി കലോത്സവം ‘മഴവില്ല് 2026’ ന് തുടക്കമായി. വെസ്റ്റ്ഹില് ഗവ. പോളിടെക്നിക് കോളേജില് രണ്ട് ദിവസങ്ങളിലായി നടക്കുന്ന കലോത്സവത്തിന്റെ ഉദ്ഘാടനം സിനിമ-സീരിയല്-മിമിക്രി താരം ദേവരാജ് കോഴിക്കോട് നിര്വഹിച്ചു. കുടുംബശ്രീ ജില്ലാ മിഷൻ കോഓഡിനേറ്റർ പി സി കവിത അധ്യക്ഷയായി. അസി. കോഓഡിനേറ്റർമാരായ എസ് കെ അതുൽരാജ്, പി സൂരജ്, കെ ആർ ജുബുനു, ജില്ലാ പ്രോഗ്രാം മാനേജർ ആർ. അനഘ എന്നിവർ സംസാരിച്ചു. തദ്ദേശ സ്വയംഭരണ സ്ഥാപനങ്ങളിലെ പ്രതിനിധികള്, സി.ഡി.എസ് ചെയര്പേഴ്സണ്മാര് എന്നിവര് പങ്കെടുത്തു.
വിവിധ ബഡ്സ് സ്കൂളുകളില് നിന്നായി 350ലധികം മത്സരാര്ഥികളാണ് 15 ഇനങ്ങളിലായി കലോത്സവത്തില് പങ്കെടുക്കുന്നത്. ബഡ്സ്-ബി.ആര്.സി സ്ഥാപനങ്ങളിലെ വിദ്യാര്ഥികളുടെ കലാപരമായ കഴിവുകള് പരിപോഷിപ്പിക്കുകയും അവരില് ആത്മവിശ്വാസം വളര്ത്തുകയും ചെയ്യുകയെന്ന ലക്ഷ്യത്തോടെയാണ് കലോത്സവം സംഘടിപ്പിച്ചത്.
