പാളം അറ്റകുറ്റ പണി കാരണം ചില തിവണ്ടികളുടെ യാത്രയിൽ നിയന്ത്രണം

പാലക്കാട് ഡിവിഷനിലെ വിവിധ ഭാഗങ്ങളിൽ പല ദിവസങ്ങളിലായി നടക്കുന്ന ട്രാക്ക് പരിപാലന പ്രവൃത്തികൾ സുഗമമാക്കുന്നതിനാണ് തീവണ്ടി സർവീസുകളിൽ മാറ്റങ്ങൾ വരുത്തിയതെന്ന് ദക്ഷിണ റെയിൽവേ അധികൃതർ അറിയിച്ചു.
നിയന്ത്രണമേർപ്പെടുത്തിയ വണ്ടികൾ
1. ട്രെയിൻ നമ്പർ 16307 – ആലപ്പുഴ–കണ്ണൂർ എക്സ്പ്രസ് ജനുവരി
07, 14, 21, 28 ,ഫെബ്രുവരി നാല് തീയതികളിൽ ആലപ്പുഴയിൽ നിന്ന് ആരംഭിക്കുന്ന ഈ ട്രെയിൻ കോഴിക്കോട് വരെ മാത്രമേ സർവീസ് നടത്തുകയുള്ളൂ. കോഴിക്കോട്–കണ്ണൂർ ഭാഗത്ത് ട്രെയിൻ സർവീസ് ഭാഗികമായി റദ്ദാക്കും.
ട്രെയിൻ നമ്പർ 12082 – തിരുവനന്തപുരം സെൻട്രൽ–കണ്ണൂർ ജനശതാബ്ദി സൂപ്പർഫാസ്റ്റ് എക്സ്പ്രസ് ജനുവരി
07, 14, 21, 28 , ഫെബ്രുവരി നാല് തീയതികളിൽ തിരുവനന്തപുരം സെൻട്രലിൽ നിന്ന് ആരംഭിക്കുന്ന ഈ ട്രെയിൻ കോഴിക്കോട് വരെ മാത്രമേ ഓടുകയുള്ളൂ.
കോഴിക്കോട്–കണ്ണൂർ ഭാഗത്ത് സർവീസ് ഭാഗികമായി റദ്ദാക്കും.
ട്രെയിൻ നമ്പർ 56603 – കോയമ്പത്തൂർ ജംഗ്ഷൻ–ഷൊർണൂർ ജംഗ്ഷൻ പാസഞ്ചർ
ജനുവരി 21 ന് കോയമ്പത്തൂർ ജംഗ്ഷനിൽ നിന്ന് ആരംഭിക്കുന്ന ഈ ട്രെയിൻ പാലക്കാട് ജംഗ്ഷനിൽ സർവീസ് അവസാനിപ്പിക്കും.
പാലക്കാട് ജംഗ്ഷൻ–ഷൊർണൂർ ജംഗ്ഷൻ ഭാഗത്ത് സർവീസ് ഭാഗികമായി റദ്ദാക്കും.
ചില ട്രെയിൻ സർവീസുകളുടെ ആരംഭസ്ഥലത്തിലും മാറ്റം വരുത്തി. ട്രെയിൻ നമ്പർ 56607 – പാലക്കാട് ജംഗ്ഷൻ–നിലമ്പൂർ റോഡ് പാസഞ്ചർ ജനുവരി
11, 18, 26 , 27 തീയതികളിൽ പാലക്കാട് ജംഗ്ഷനിൽ നിന്ന് പകരം ലക്കിടിയിൽ നിന്ന് രാവിലെ 6.32-ന് യാത്ര ആരംഭിക്കും.
പാലക്കാട് ജംഗ്ഷൻ–ലക്കിടി ഭാഗത്ത് സർവീസ് ഭാഗികമായി റദ്ദാക്കുന്നതാണ്.
ട്രെയിൻ നമ്പർ 66609 – പാലക്കാട് ജംഗ്ഷൻ–എറണാകുളം ജംഗ്ഷൻ മെമു ജനുവരി
26 ന് പാലക്കാട് ജംഗ്ഷന് പകരം ഒറ്റപ്പാലത്ത് നിന്ന് രാവിലെ 07.57-ന് യാത്ര ആരംഭിക്കും.
പാലക്കാട് ജംഗ്ഷൻ–ഒറ്റപ്പാലം ഭാഗത്ത് സർവീസ് ഭാഗികമായി റദ്ദാക്കപ്പെടും.