കെ.പി. കായലാട് സാഹിത്യ പുരസ്കാരം ആര്യാ ഗോപിക്ക്

മേപ്പയ്യൂർ : പുരോഗമന കലാസാഹിത്യസംഘം മേപ്പയ്യൂർ ഏർപ്പെടുത്തിയ പത്താമത് കെ.പി. കായലാട് സാഹിത്യ പുരസ്കാരം ആര്യാ ഗോപിക്ക് ലഭിച്ചു. കണ്ണാടിയിലെ ദൈവം എന്ന കവിതാസമാഹാരത്തിനാണ് പുരസ്കാരം ലഭിച്ചത്. പ്രൊഫ: സി.പി.അബൂബക്കർ (ചെയർമാൻ) , എം.പി.അനസ്, കെ.രതീഷ് എന്നിവരടങ്ങിയ ജൂറിയാണ് പുരസ്കാരജേതാവിനെ നിർണ്ണയിച്ചത്. പുരസ്കാരം ജനുവരി 8 ന് വൈകു: 5 മണിക്ക് മേപ്പയ്യൂർ കോ-ഓപ്പറേറ്റീവ് ടൗൺ ബാങ്ക് ഓഡിറ്റോറിയത്തിൽ വെച്ച് നടക്കുന്ന കെ.പി. കായലാട് സ്മാരക ട്രസ്റ്റും,പുരോഗമനകലാസാഹിത്യ സംഘവും സംയുക്തമായി സംഘടിപ്പിക്കുന്ന അനുസ്മരണ പരിപാടിയിൽ സമർപ്പിക്കും. കേരള സാഹിത്യ അക്കാദമി സെക്രട്ടറി പ്രൊഫ: സി.പി.അബൂബക്കർ പരിപാടി ഉദ്ഘാടനം ചെയ്യും. എൽ.പി, യു. പി വിദ്യാർത്ഥികൾക്കായി ശാസ്ത്ര ക്വിസ് മത്സരം 4 മണിക്ക് നടക്കും.