64-ാമത് കോഴിക്കോട് റവന്യു ജില്ലാ സ്കൂൾ കലോത്സവം 2025 നവംബർ 24 മുതൽ 28 വരെ അഞ്ച് ദിവസങ്ങളിൽ കൊയിലാണ്ടി നഗരത്തിലെ 22 വേദികളിലായി നടക്കും. യു പി, ഹൈസ്കൂൾ, ഹയർ സെക്കണ്ടറി വിഭാഗങ്ങളിൽ 13000 ഓളം വിദ്യാർത്ഥികൾ 319 മത്സര ഇനങ്ങളിൽ മാറ്റുരയ്ക്കും. അറബി കലോത്സവം സംസ്കൃതോസവം എന്നിവയും ഇതിൻ്റെ ഭാഗമായി നടത്തപ്പെടും. 24-ാം തിയ്യതി തിങ്കളാഴ്ച രാവിലെ 9 മണി മുതൽ ജി.വി.എച്ച് എസ് എസ്സിൽ വച്ച് രചനാ മത്സരങ്ങൾ നടക്കും. കലോത്സവത്തിൻ്റെ ഉദ്ഘാടനം 25 ന് ചൊവ്വ രാവിലെ 10 മണിക്ക് ഉജ്ജല ബാല്യം പുരസകാര ജേതാവ് മാസ്റ്റർ ആദികേശ് പി നിർവ്വഹിക്കും. 28ന് വെള്ളിയാഴ്ച വൈകുന്നേരം 5 മണിക്ക് സമാപന സമ്മേളനം പ്രശസ്ത ചരിത്രപണ്ഡിതനും
കേരളജ്യോതി പുരസ്കാര ജേതാവുമായ ഡോ. എം. ആർ രാഘവ വാര്യർ നിർവ്വഹിക്കും.
കലോത്സവത്തിൻ്റെ സുഗമമായ നടത്തിപ്പിന് 16 സബ് കമ്മറ്റികൾ രൂപീകരിച്ചു പ്രവർത്തനങ്ങൾ നടത്തിവരുന്നു. കലോത്സവം പൂർണ്ണമായും ഹരിതചട്ടപ്രകാരം ആയിരിക്കും നടത്തുക. ബി. ഇ എം യു.പി. സ്കൂളിലാണ് ഭക്ഷണശാല ക്രമീകരിച്ചിരിക്കുന്നത്. മേളയോടനുബന്ധിച്ച് 25, 26, 27 തിയ്യതികളിൽ വൈകുന്നേരം ബസ് സ്റ്റാൻ്റ് പരിസരത്തുള്ള ഓപ്പൺ സ്റ്റേജിൽ വച്ച് സാംസ്കാരിക സദസ്സും സംഘടിപ്പിക്കും. റജിസ്ട്രേഷൻ – 22 ന് ശനിയാഴ്ച നടത്തും.
പത്രസമ്മേളനത്തിൽ പങ്കെടുത്തവർ
ജനറൽ കൺവീനർ – വിദ്യഭ്യാസ ഉപഡയറക്ടർ ടി അസീസ്, ജോയിൻ്റ് കൺവീനർ എൻ.വി. പ്രദീപ് കുമാർ, ഇ.കെ. സുരേഷ് , സി ഉണ്ണികൃഷ്ണൻ, ബാലകൃഷ്ണൻ സി, മീഡിയ കമ്മറ്റി വർക്കിം ചെയർമാൻ എ. സജീവ് കുമാർ, കൺവീനർ – കെ.പി അനിൽ കുമാർ, കോ. കൺവീനർ – കെ. സുരേഷ് എന്നിവർ സംസാരിച്ചു.
