പന്തലായനി ഇരട്ടച്ചിറ സംരക്ഷിക്കണമെന്ന് ആവശ്യപ്പെട്ട് നടത്തിയ പ്രതിഷേധ കൂട്ടായ്മ

കൊയിലാണ്ടി പന്തലായനിയിലെ പ്രധാന കുടിവെള്ള സ്രോതസ്സായ കളിയമ്പത്ത് ഇരട്ടച്ചിറ മണ്ണിട്ടു നികത്തുന്നതിനെതിരെയുള്ള പ്രതിഷേധ കൂട്ടായ്മ നഗരസഭ ചെയർപേഴ്സൺ സുധ കിഴക്കേ പാട്ട് ഉദ്ഘാടനം ചെയ്തു. ഇരട്ടച്ചിറ സംരക്ഷണ സമിതി ചെയർമാൻ ടി.കെ സത്യൻ അധ്യക്ഷനായി. കൗൺസിൽമാരായ കെ.എം. സുമതി, പി. പ്രജിഷ , ചിറസംരക്ഷണ സമിതി കൺവീനർ മോഹൻ പുതിയപുരയിൽ, സുനിൽ പറമ്പത്ത്,
വി.വി. സുധാകരൻ , പി.ചന്ദ്രശേഖരൻ, നെല്ലുള്ളി സുഗതൻ , പി.കെ രഘുനാഥ്, ടി .പി രാമദാസ് എന്നിവർ സംസാരിച്ചു. ഇരട്ടച്ചിറയിൽ നിക്ഷേപിച്ചിട്ടുള്ള മണ്ണ് എടുത്തുമാറ്റാനുള്ള നടപടികൾ വേഗത്തിലാക്കണമെന്ന് യോഗം ആവശ്യപ്പെട്ടു.