കേരള പ്രൈവറ്റ് ഫാർമസിസ്റ്റ്സ് അസോസിയേഷൻ (KPPA) കൊയിലാണ്ടി ഏരിയാ സമ്മേളനം (ഇന്ന്) ബുധനാഴ് കൊയിലാണ്ടി മുനിസിപ്പൽ സാംസ്കാരിക നിലയത്തിൽ വെച്ച് കേരള സംസ്ഥാന ഫാർമസി കൗൺസിൽ പ്രസിഡണ്ട് .ഒ.സി. നവീൻ ചന്ദ് ഉദ്ഘാടനം ചെയ്യ്തു. ഒരു വർഷമായി കേരള സർക്കാർ പുതുക്കി നിശ്ചയിച്ച മിനിമം വേതനം സ്വകാര്യ ഫാർമസിസ്റ്റുകൾക്ക് നിഷേധിക്കുന്ന ഔഷധ വ്യാപാരികളുടെ സമീപനത്തിൽ സമ്മേളനം പ്രതിഷേധം രേഖപ്പെടുത്തി.
സ്വകാര്യ മേഖലയിലെ ഫാർമസിസ്റ്റുകൾക്ക് മാത്രമായി ക്ഷേമനിധി ഏർപ്പെടുത്തണമെന്ന് സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു.
ഏരിയാ പ്രസിഡണ്ട് ടി.വി. രാഖിലയുടെ അധ്യക്ഷതയിൽ നടന്ന സമ്മേളനത്തിൽ KPPA ജില്ലാ സിക്രട്ടറി എം. ജിജീഷ്, ജില്ലാ സിക്രട്ടറിയേറ്റ് അംഗങ്ങളായ പി.എം.സുരേഷ്, ടി.വി. ഷഫീഖ്, എന്നിവർ ആശംസകളർപ്പിച്ച് സംസാരിച്ചു. അരുൺ രാജ് എ.കെ. സ്വാഗതം പറഞ്ഞ യോഗത്തിൽ രാഗേഷ് തറമ്മൽ വരവ് ചെലവ് കണക്കും, എം.കെ. ശ്രീമണി അനുശോചന പ്രമേയവും അവതരിപ്പിച്ചു. വിദ്യ പി.വി, അജയ് കുമാർ, രവി നവരാഗ്, എന്നിവർ സംസാരിച്ചു.
പുതിയ ഏരിയാ ഭാരവാഹികളായി രാഖില ടി.വി. പ്രസിഡണ്ട് അരുൺ രാജ് എ.കെ. സിക്രട്ടറി, രാഗേഷ് തറമ്മൽ ട്രഷറർ എന്നിവരെ തെരഞ്ഞെടുത്തു.
