ശബരിമലയില്‍ സന്ദര്‍ശനത്തിനായി രാഷ്ട്രപതി ദ്രൗപതി മുര്‍മ്മു കേരളത്തില്‍ എത്തും. ഈ മാസം 22 ന് കേരളത്തില്‍ എത്തുന്ന രാഷ്ട്പതി 24 വരെ സംസ്ഥാനത്തുണ്ടാകും. 22ന് നെടുമ്പാശ്ശേരി വിമാനത്താവളത്തില്‍ എത്തുന്ന രാഷ്ട്രപതി ശബരിമലയില്‍ ദര്‍ശനം നടത്തും . തുലാമാസ പൂജയുടെ അവസാന ദിവസമാണ് രാഷ്ട്രപതി എത്തുന്നത്. ഒക്ടോബര്‍ 16നാണ് തുലാമാസ പൂജകള്‍ക്കായി ശബരിമല നട തുറക്കുന്നത്.
ശബരിമലയിലെ സന്ദര്‍ശനത്തിനു ശേഷം രാഷ്ട്രപതി തിരുവനന്തപുരം രാജ്ഭവനില്‍ എത്തും. തുടര്‍ന്ന് പലയില്‍ നടക്കുന്ന പരിപാടിയില്‍ പങ്കെടുക്കും. 24ാം തീയതി മടങ്ങും. രാഷ്ട്രപതി ശബരിമല സന്ദര്‍ശനത്തിന് എത്തുമെന്ന് മന്ത്രി പി എന്‍ വാസവന്‍ ആഗോള അയ്യപ്പ സംഗമത്തില്‍ പറഞ്ഞിരുന്നു. രാഷ്ട്രപതിയുടെ സന്ദര്‍ശനത്തോടനുബന്ധിച്ച് ഇതിനോടകം തന്നെ എല്ലാ സുരക്ഷാ മുന്നൊരുക്കങ്ങളും നടത്തിയിട്ടുണ്ട്.
