നരിക്കുനി: നരിക്കുനി ഗ്രാമ പഞ്ചായത്തിലെ മൂന്നാം വാർഡിൽ വയോജനങ്ങൾക്കായി പകൽ വീടും, കുട്ടികൾക്കായി കളിക്കളവും സജ്ജമാക്കുന്നതിനായി 13 സെന്റ് സ്ഥലം ഗ്രാമ പഞ്ചായത്തിന് കൈമാറി. തലക്കോട്ട് ഉത്താൻ കുട്ടി ഹാജി അധികാരി കുടുംബം മൂന്ന് സെന്റ് സ്ഥലവും, പൊതുജനങ്ങളുടെ പങ്കാളിത്തത്തോടെ സ്വന്തമാക്കിയ 10 സെന്റ് സ്ഥലവും പഞ്ചായത്തിന് നൽകി.
വനം-വന്യജീവി സംരക്ഷണ വകുപ്പ് മന്ത്രി എ. കെ. ശശീന്ദ്രൻ ചടങ്ങ് ഉദ്ഘാടനം ചെയ്ത് രേഖ കൈമാറി. ഗ്രാമ പഞ്ചായത്ത് പ്രസിഡന്റ് ടി. കെ. സുനിൽകുമാർ രേഖ ഏറ്റുവാങ്ങി. ചേളന്നൂർ ബ്ലോക്ക് പഞ്ചായത്ത് പ്രസിഡന്റ് കെ. പി. സുനൽ കുമാർ അധ്യക്ഷത വഹിച്ചു.ഫ്ലവേഴ്സ് ടി.വി. ‘ടോപ് സിംഗർ’ ഫെയിം പാർവണ സനീഷ്നെ ചടങ്ങിൽ ആദരിച്ചു. സ്ഥലം ഏറ്റെടുക്കൽ കമ്മിറ്റിയുടെ കൺവീനർ ആർ. കെ. മറിയം റിപ്പോർട്ട് അവതരിപ്പിച്ചു.
ചേളന്നൂർ ബ്ലോക്ക് പഞ്ചായത്ത് വൈസ് പ്രസിഡന്റ് ശിഹാന രാരപ്പൻകണ്ടി, ഗ്രാമ പഞ്ചായത്ത് വൈസ് പ്രസിഡന്റ് സി. പി. ലൈ, സ്റ്റാൻഡിംഗ് കമ്മിറ്റിചെയർമാൻ മൊയ്തി നെരോത്ത്, ജില്ലാ പഞ്ചായത്ത് മെമ്പർ ഐ. പി. രാജേഷ്, ഹാഷിം തലക്കോട്ട്, ഷിബിൻ ലാൽ കെ. കെ., ഒ. പി. എം. ഇഖ്ബാൽ, ബാലകൃഷ്ണൻ മാസ്റ്റർ, വി. ബാബു, ടി. പി. സുലൈമാൻ മാസ്റ്റർ, എം. പി. റുഖിയ ടീച്ചർ, എം. പി. പുഷ്പരാജൻ, മന്ദത്ത് ശിവാനന്ദൻ, പി. അബൂബക്കർ മാസ്റ്റർ, മുനീർ കെ. പി., ചാലിൽ ഗണേഷ് കുമാർ എന്നിവരും സംസാരിച്ചു.മൂന്നാം വാർഡ് മെമ്പർ കെ. കെ. ചന്ദ്രൻ സ്വാഗതവും, എം. പി. ഗഫൂർ നന്ദിയും പറഞ്ഞു.
