കോഴിക്കോട് : നഗരമധ്യത്തില് നടുറോഡില് പതിനേഴുകാരിയായ വിദ്യാര്ഥിനിക്ക് നേരെ ലൈംഗികാതിക്രമം നടത്തിയ കേസില് വയോധികനെ പൊലീസ് അറസ്റ്റ് ചെയ്തു. നടക്കാവ് സ്വദേശി ശശിധരന് ഷേണായിയാണ് പിടിയിലായത്. ഇന്നലെയായിരുന്നു സംഭവം. റോഡിലൂടെ നടക്കുമ്പോള് പ്രതി ലൈംഗികോദ്ദേശ്യത്തോടെ ശരീരത്തില് സ്പര്ശിച്ചുവെന്നാണ് പെണ്കുട്ടിയുടെ പരാതി. തുടര്ന്ന് പെണ്കുട്ടി തന്നെയാണ് സമീപത്തെ പൊലീസ് സ്റ്റേഷനില് പരാതി നല്കിയത്. പരാതിയുടെ അടിസ്ഥാനത്തില് നടന്ന അന്വേഷണത്തിനൊടുവില് പ്രതിയെ പൊലീസ് അറസ്റ്റ് ചെയ്തു. പ്രതിക്കെതിരെ പോക്സോ വകുപ്പ് പ്രകാരം കേസ് രജിസ്റ്റര് ചെയ്തതായി നടക്കാവ് പൊലീസ് അറിയിച്ചു.
നടുറോഡില് വിദ്യാര്ഥിനിക്ക് നേരെ ലൈംഗികാതിക്രമം ; വയോധികന് അറസ്റ്റില്
