കൊയിലാണ്ടി: കൊല്ലം പിഷാരികാവിൽ നവരാത്രി ആഘോഷങ്ങൾക്ക് തുടക്കമായി. വിജയദശമി നാളായ ഒക്ടോബർ 2 വരെ കാഴ്ച ശീവേലികളടക്കമുള്ള ക്ഷേത്ര ചടങ്ങുകളെ കൂടാതെ വെെവിധ്യമാർന്ന സംഗീത-നൃത്ത കലാരാധനകളും ക്ഷേത്രാങ്കണത്തിൽ നടക്കും. ഒന്നാം ദിവസമായ തിങ്കളാഴ്ച കാലത്ത് കാഴ്ച ശീവേലിക്കു ശേഷം നാട്യാഞ്ജലി കലാക്ഷേത്ര പയ്യോളി – വടകര അവതരിപ്പിച്ച നൃത്താർച്ചന, വൈകീട്ട് ദീപാരാധനക്കുശേഷം ആരാധ്യ വാമേഷ്, അപർണ വാസുദേവൻ എന്നിവർ അവതരിപ്പിച്ച ഭരതനാട്യം, ശ്രീഹരി നൃത്ത വിദ്യാലയം വെസ്റ്റ് ഹിൽ അവതരിപ്പിച്ച നൃത്തസന്ധ്യ എന്നിവ നടന്നു. ചൊവ്വാഴ്ച ഭക്തിഗാനസുധ, നൃത്തനൃത്യങ്ങൾ, വീണക്കച്ചേരി എന്നിവ നടക്കും.
പിഷാരികാവിൽ നവരാത്രി മഹോത്സവത്തിന് തുടക്കമായി
