ന്യൂഡല്ഹി: ഇന്ത്യന് ചലച്ചിത്ര മേഖലയിലെ പരമോന്നത ബഹുമതിയായ ദാദാസാഹേബ് ഫാല്ക്കെ പുരസ്കാരം പ്രശസ്ത നടന് മോഹന്ലാലിന്. 2023-ലെ പുരസ്കാരത്തിനാണ് മോഹന്ലാല് അര്ഹനായത്. സെപ്തംബര് 23-ന് നടക്കുന്ന ദേശീയ പുരസ്കാര വിതരണച്ചടങ്ങില് പുരസ്കാരം സമ്മാനിക്കും.
അടൂര് ഗോപാലകൃഷ്ണന് ശേഷം ദാദാസാഹേബ് പുരസ്കാരം ലഭിക്കുന്ന മലയാളിയായാണ് മോഹന്ലാല്. 2004-ലാണ് അടൂര് ഗോപാലകൃഷ്ണന് ഈ ബഹുമതി നേടിയത്.
ഇന്ത്യന് ചലച്ചിത്രത്തിന്റെ പിതാവ് എന്നറിയപ്പെടുന്ന ദാദാസാഹേബ് ഫാല്ക്കെയുടെ സ്മരണാര്ത്ഥം 1969 മുതല് കേന്ദ്രസര്ക്കാര് നല്കുന്ന ഏറ്റവും വലിയ ചലച്ചിത്ര പുരസ്കാരമാണ് ദാദാസാഹേബ് ഫാല്ക്കെ അവാര്ഡ്.
