സീബ്രാ ലൈനിലൂടെ കുട്ടികൾ; അമിതവേഗത്തിൽ കെഎസ്ആർടിസി – ഡ്രൈവറുടെ ലൈസൻസ് ആറുമാസത്തേക്ക് സസ്പെൻഡ്

September 16, 2025

മലപ്പുറം ∙ അമിതവേഗത്തിൽ ബസ് ഓടിച്ച കെഎസ്ആർടിസി ഡ്രൈവർക്കെതിരെ നടപടി. പാലക്കാട് കോങ്ങാട് സ്വദേശി വിനോദ് കുമാറിന്റെ ഡ്രൈവിംഗ് ലൈസൻസ് മോട്ടോർ വാഹന വകുപ്പ് ആറുമാസത്തേക്ക് സസ്പെൻഡ് ചെയ്തു.

കഴിഞ്ഞ മാസം 25-ന് പെരിന്തൽമണ്ണ താഴെക്കോട് പ്രദേശത്താണ് സംഭവം. സീബ്രാ ലൈനിലൂടെ റോഡ് മുറിച്ചു കടന്നുപോകുന്ന വിദ്യാർത്ഥികളുടെ സമീപം കൂടി അമിതവേഗത്തിൽ ബസ് ഓടിച്ചുവെന്നാരോപിച്ച് നടപടി സ്വീകരിക്കുകയായിരുന്നു. ട്രാഫിക് പൊലീസിന്റെ നിർദ്ദേശം മറികടന്നാണ് ഡ്രൈവർ വാഹനം നിയന്ത്രണം വിട്ടത്.

സംഭവദൃശ്യങ്ങൾ സിസിടിവി ഫൂട്ടേജിലൂടെ പുറത്തുവന്നിരുന്നു. തലനാരിഴയ്ക്ക് കുട്ടികൾ രക്ഷപ്പെട്ട സംഭവമെന്ന നിലയിൽ വ്യാപകമായ വിമർശനങ്ങളും ഉയർന്നിരുന്നു. സംഭവം നടന്ന് ഏകദേശം ഒരു മാസത്തിനു ശേഷമാണ് നടപടി ഉണ്ടായത്