കൊമ്പൻ ഈരാറ്റുപേട്ട അയ്യപ്പൻ ചരിഞ്ഞു. നാലു മാസങ്ങളായി ആരോഗ്യ പ്രശ്നങ്ങളാല് ചികിത്സയിലിരിക്കെയായിരുന്നു. അസുഖങ്ങൾ മൂലം എഴുന്നേറ്റ് നിൽക്കാൻ കഴിയാത്ത അവസ്ഥ ആയിരുന്നു. ചികിത്സയിൽ കഴിയുന്നതിനിടെ മൂന്ന് തവണ ആന കുഴഞ്ഞ് വീണിരുന്നു.
കേരളത്തിലുടനീളം നൂറു കണക്കിന് ഉത്സവങ്ങളിൽ നിറസാന്നിധ്യമായ അവൻ പരവൻ പറമ്പിൽ വീടിൻ്റെ ഉടമസ്ഥതയിലുള്ള ആനയാണ്. നിരവധി ആരാധകരുള്ള പ്രശസ്തനായ നാടന് ആനയാണ് ഈരാറ്റുപേട്ട അയ്യപ്പന്. കേരളത്തിലെ പല പ്രശസ്തരും സ്വന്തമാക്കാന് ആഗ്രഹിച്ച ആനയായിരുന്നു.
ഗജരാജന്, ഗജോത്തമന്, ഗജരത്നം, കളഭകേസരി, തിരുവിതാംകൂര് ഗജശ്രേഷ്ഠൻ, ഐരാവതസമൻ തുടങ്ങി ഏറെ വിശേഷണങ്ങളും പട്ടങ്ങളും ഈരാറ്റുപേട്ട അയ്യപ്പൻ നേടിയിട്ടുണ്ട്. 1977 ഡിസംബര് 14നാണ് ആനയെ വെള്ളൂക്കൂന്നേല് പരവന് പറമ്പില് വീട്ടില് എത്തിക്കുമ്പോള് അഞ്ച് വയസായിരുന്നു ആനയ്ക്ക് പ്രായം. ഗജരാജന്, ഗജോത്തമന്, ഗജരത്നം, കളഭകേസരി, തിരുവിതാംകൂര് ഗജശ്രേഷ്ഠന്, ഐരാവതസമന് തുടങ്ങിയ നിരവധി വിശേഷണങ്ങളും പട്ടങ്ങളും നേടിയ ആനയാണ് അയ്യപ്പന്.
